2017-2018 оны хичээлийн жилийн хаврын улиралд Монгол хэлний бэлтгэл, магистр, докторт шинээр элсэж буй гадаад оюутнуудад зориулсан зөвлөн чиглүүлэх өдөрлөгийг Оюутны хөгжил, үйлчилгээний газраас амжилттай зохион байгууллаа.
Тус өдөрлөгт МУИС-д суралцаж буй ОХУ, Хятад /БНХАУ/, Польш, Лаос /БНАЛАУ/, Вьетнам, Өмнөд Солонгос, Бүгд Найрамдах Ардчилсан Солонгос Ард Улс, Афганистан зэрэг гадаадын 30 гаруй оюутнууд оролцлоо.
Зөвлөн чиглүүлэх өдөрлөгөөр Сургалтын нэгдсэн газрын мэргэжилтэн Д.Болдбаатар, Э.Энхтамир, Р.Алтансайхан Д.Түмэнжаргал нар МУИС-ийн танилцуулга, сургалтын дүрэм журам, монгол хэлний бэлтгэлийн сургалт, үнэлгээ, Оюутны хөгжил, үйлчилгээний газрын мэргэжилтэн Б.Буянханд, И.Сувдаа нар Монгол улсад оршин суух үнэмлэх болон виз авах дүрэм журам, холбогдох хугацаа, оюутны дотуур байранд амьдрах дүрэм журам, Хүн эмнэлэгийн эмч З.Гаравсүрэн эрүүл мэндийн даатгалын зөвлөгөө мэдээлэл, Ном зүйч С.Найгалмаа шинэ номын сангийн мэдээлэл, Мэдээллийн технологийн газрын мэргэжилтэн Б.Уянга сиси мэдээллийн системийг хэрхэн ашиглах зэргийг оюутнуудад танилцуулж мэдээлэл хүргэлээ.
Мөн өдөрлөгийн үеэр Оюутны хөгжил, үйлчилгээний газар, оюутны холбооноос гадаад оюутнуудад зориулж зохион байгуулах арга хэмжээг танилцуулж Монгол Улсад оршин суух үнэмлэх болон визтэй холбоотой дүрэм журам, оюутны үнэмлэх захиалга болон номын сангийн үйлчилгээний талаар сонирхсон асуултанд хариулан өдөрлөг амжилттай өндөрлөв.
Оюутны хөгжил, үйлчилгээний газар
