МУИС-ийн ХЗС-ийн Хувийн эрх зүйн тэнхимийн зүгээс тус сургуулийн English Speaking клубтэй хамтран нийт оюутнуудын дунд Master English ээлжит тэмцээнийг 2018 оны 3 дугаар сарын 22-ны өдөр амжилттай зохион байгуулж явууллаа.
Уг тэмцээн нь оюутнуудын англи хэлний ярих, сонсох, бичих чадвар, мэргэжлийн англи хэлний мэдлэгийг сайжруулах, англи хэл сурах эрмэлзлийг дээшлүүлэх зорилготой юм. Өдөрлөгийг нээж ХЗС-ийн дэд захирал Док. Проф. А.Бямбажаргал ирээдүйн хуульч нарт англи хэлн, мэргэжлийн англи хэлний ач холбогдол өнөө үед нэн чухал болсоныг тэмдэглэн үг хэлж оюутнуудад амжилт хүссэн.
Тэмцээнд Олон улсын эрх зүйн, Японы эрх зүйн, Эрх зүйн ангийн оюутнуудын 8 баг идэвхитэй оролцсон. Оюутнууд англи үг таах, мэргэжлийн англи хэлний мэдлэг шалгах асуултанд хариулах, нэр томъёоны тодорхойлолт бичих, шинжээр нь улсын орнуудын нэрийг таах гэх мэт олон сонирхолтой тэмцээнд өөрсдийн англи хэлний мэдлэгээ сорьсон. Тэмцээний шүүгчээр МУИС-ийн ШУС-ийн Гадаад хэлний Төвийн English Speaking клубын багш Д.Сарантуяа, Б.Бямбасүрэн, О.Ган-Энх, Ц.Энхцэцэг, Л.Энхжин нар ажиллаж 1, 2 болон 3 дугаар байранд шалгарсан багууд болон дэмжигчдийн тэмцээний ялагч нарт урамшуулал гардуулсан.
