МУИС-ийн 2017-2018 оны хичээлийн жилийн оюутны “Урлагийн Их Наадам” амжилттай болж өнгөрлөө

Share Button

МУИС-ийн Оюутны хөгжил, үйлчилгээний газар зохион байгуулсан “Оюутны Урлагийн Их Наадам” өнгөрсөн бямба гарагт буюу 2018 оны 3 дугаар сарын 24-ний өдөр Тусгаар тогтнолын ордны их танхимд амжилттай боллоо. Жил бүр уламжлал болгон явуулдаг энэхүү наадамд МУИС-ийн ШУС-БУС, ОУХНУС, БС, ШУС-ХУС, ХШУИС, ХЗС, ШУС-НУСургуулийн нийт 250 гаруй авьяаслаг оюутан залуус оролцож авхаалж самбаа авъяас чадвараараа өрсөлдлөө.

Мянга орчим үзэгч, хөгжөөн дэмжигчдийн халуун алга ташилтаар бүтэн өдрийн турш үргэлжилсэн энэхүү наадмын нээлтэнд МУИС-ийн Сургалт, оюутан хариуцсан дэд захирал, доктор Б.Очирхуяг; Оюутны хөгжил, үйлчилгээний газрын дарга, доктор Б.Алтангэрэл тус наадмын зохион байгуулалтанд хамтран ажилласан МУИСОХ, Оюутан Конгрессийн Тэргүүн Г.Мандах нар оролцлоо.

 

Урлагийн их наадмын шүүгчээр УДБЭТ-ийн гоцлол дуучин МУГЖ Б.Эрдэнэтуяа, СУИС-ийн багш, Монголын бүжгийн спортын холбооны Ерөнхийлөгч А.Мөнгөнхуяг, УДЭТ-ийн жүжигчин МУСТА С.Болд-Эрдэнэ нар ажиллалаа.

Сургууль сургуулийн “Оюутны урлагийн бага наадам”-аас шигшигдэн гарч ирсэн оюутнуудын тоглолт бүр үзэгчдийн таашаалд хүрч, мэргэжлийн түвшний дуучин, жүжигчнээс дутахааргүй авьяас чадвартай гэсэн үнэлэлтийг ч авч байсан гэдгийг энэ дурьдан хэлэх нь зүйн хэрэг биз.

Мэндчилгээ, гоцлол дуу, ардын болон язгуур урлаг, хөгжим, цэнгээнт бүжиг, хамтлаг дуу, хамтлаг бүжиг/чөлөөт/ гэсэн 7 төрлөөр өрсөлдөж, нийт багийн дүнгээр

1-р байранд Шинжлэх ухааны сургуулийн Нийгмийн ухааны салбарын баг хамт олон

2-р байранд Бизнесийн сургуулийн баг хамт олон

3-р байранд Хэрэглээний шинжлэх ухаан, инженерчлэлийн сургуулийн баг хамт олон

тус тус байрыг эзэлж бусдыгаа манлайлж өргөмжлөл мөнгөн шагналын эзэд боллоо.

Шагналт байранд:

Мэндчилгээ:

Шилдэг  мэндчилгээ Шинжлэх ухааны сургуулийн Нийгмийн ухааны салбарын баг хамт олон

Гоцлол дуу:

1. ШУС-НУС
2.ШУС-БУС
3. ХЗС
Ардын болон язгуур урлаг: 
1.ХШУИС
2.ШУС-БУС
3.ШУС-НУС
Цэнгээнт бүжиг: 
 
1.ШУС-ХУС
2. Бизнесийн сургууль
3. ХЗС
Хөгжим: 
 
1. ШУС-НУС
2. ОУХНУС
3.ХШУИС
Хамтлаг дуу: 
 
1.Бизнесийн сургууль
2.ХЗС
3.ШУС-НУС
Чөлөөт бүжиг:
1.ШУС-НУС
2.Бизнесийн сургууль
3.ХШУИС
Та бүхэн минь  Монгол Улсын тэргүүлэх их сургуульд суралцаж байгаа оюутнаас тодорч, үлгэрлэж байгаа учраас. Оролцогч оюутан бүр энэ өдрийн Ялагч юм шүү.  Та нартаа сурлага, урлагийн амжилт хүсье.
Оюутны хөгжил, үйлчилгээний газар
Сул хараатай иргэдэд
зориулсан хувилбар
Энгийн хувилбар