БНСУ-аас Монгол Улсад суугаа Онц бөгөөд Бүрэн эрхт Элчин сайд У Суныг Монгол-Солонгосын эдийн засгийн хамтын ажиллагаа, бизнесийг өргөжүүлэхэд оруулсан идэвх чармайлт, их дээд сургуулиудын хамтын ажиллагаа, боловсролын салбарт оруулж байгаа хувь нэмрийг нь үнэлэн 2018 оны 4 дүгээр сарын 25-ны өдөр МУИС-ийн Олон улсын харилцаа, нийтийн удирдлагын сургуулийн Хүндэт доктор цол олголоо.
“Хүндэт доктор” цол олгох ёслолын ажиллагааг нээж МУИС-ийн захирал Я.Төмөрбаатар үг хэлсэн бөгөөд Эрдмийн зөвлөлийн хурлын тогтоол, БНСУ-аас Монгол Улсад суугаа Онц бөгөөд Бүрэн эрхт Элчин сайд У Суны намтрыг уншиж сонордуулан, “Хүндэт Доктор”-ын диплом, тэмдэг, өмсгөлийг МУИС-ийн захирал Я.Төмөрбаатар, ОУХНУС-ийн захирал С.Баттулга нар гардуулан өгөв.
