МУИС-ийн Оюутанд үйлчлэх төв, МУИСОХ, Оюутан Конгресс хамтран зохион байгуулсан “Оюутны Урлагийн Их Наадам” өнгөрсөн бямба гарагт “Тусгаар тогтнолын ордон”-ы Их танхимд амжилттай болж өндөрлөлөө. Жил бүр уламжлал болгон явуулдаг энэхүү наадамд МУИС-ийн ХХИС, МТС, МКС, ХЗС, ЭЗС, ОУХС, НШУС, МХСС, ГХСС, ХС, ГГС, УБС, Завхан сургууль, Орхон сургууль гэсэн 14 бүрэлдэхүүн сургуулийн 300 гаруй авьяаслаг оюутан залуус оролцож шилдгээ тодруулав. Мянга гаруй үзэгч, хөгжөөн дэмжигчдийн халуун алга ташилтаар бүтэн өдрийн турш үргэлжилсэн энэхүү наадмын шүүгчээр МУГЖ багш Л.Чаминчулуун, МУИС-ийн Ардын урлаг судлалын тэнхимийн багш Т.Цэцэгжаргал, УДЭТ-ын найруулагч Н.Батхүү нар ажилласан юм.
МУИС-ийн Сургалт эрхэлсэн дэд захирал Р.Ринчинбазар наадмын үйл ажиллагааг нээж хэлсэн үгэндээ “энэ жилийн оюутны урлагийн наадам нь МУИС байгуулагдсаны 70 жилийн ойг угтаж буйгаараа урьд жилүүдээс онцлог төдийгүй эндээс шалгарсан шилдэг номеруудаар 70 жилийн ойн “Хүндэтгэлийн тоглолт”-ын суурь тавигдаж байгаа юм” хэмээн онцолсон юм. Үнэхээр сургууль сургуулийн “Оюутны урлагийн бага наадам”-аас шигшигдэн гарч ирсэн оюутнуудын тоглолт бүр үзэгчдийн таашаалд хүрч, мэргэжлийн түвшний дуучин, жүжигчнээс дутахааргүй авьяас чадвартай гэсэн үнэлэлтийг ч авч байлаа.
Гоцлол дуу, шүлэг, хамтлаг дуу, язгуур урлаг, жүжигчилсэн тоглолт, хамтлаг бүжиг гэсэн 6 төрлөөр өрсөлдөж, нийт багийн дүнгээр МУИС-ийн Хууль зүйн сургууль тэргүүн байр, Орхон сургууль дэд байр, Нийгмийн Шинжлэх Ухааны сургууль гутгаар байрыг эзэлж, өргөмжлөл мөнгөн шагналын эзэд боллоо. Шагналыг МУИС-ийн захирал С.Төмөр-Очир хүрэлцэн ирж гардуулав.
Гоцлол дуу:
1-р байр НШУС- Э. Хишигжаргал
2-р байр ХХИС- Ө. Эрдэнэзаяа
3-р байр ХЗС- н.Цэлмэг
Шүлэг
1-р байр ХЗС- н.Ариунбаяр
2-р байр НШУС- Б. Батмөнх
3-р байр Орхон сургуулийн оюутан
Хамтлаг дуу
1-р байр Орхон сургууль- Б. Батчимэг
Ц. Энхмэнд
С. Ууганцэцэг
2-р байр ХЗС- н. Ариунбаяр
н. Билгүүн
н. Саруул-Ирээдүй
н. Пүрэвдагва
3-р байр ЭЗС
Язгуур урлаг
1-р байр МТС
2-р байр Завхан сургууль
3-р байр ОУХС
Жүжигчилсэн тоглолт
1-р байр Орхон сургууль
2-р байр НШУС
3-р байр МТС
Хамтлаг бүжиг
1-р байр ХЗС
2-р байр МТС
3-р байр ОУХС
Наадамд оролцсон авьяаслаг оюутан залуустаа сурлага, урлагийн өндөр амжилт хүсье.
