Сандагсүрэнгийн нэрэмжит Статистикийн олимпиадыг МУИС-ийн оюутнууд 2 дахь жилдээ тэргүүллээ

2018-05-02

Мандах Их Сургуулиас тус сургуулийг үүсгэн байгуулагч Б.Сандагсүрэнгийн нэрэмжит Статистикийн улсын II олимпиадыг 2018 оны 4 дүгээр сарын 29-ний өдөр амжилттай зохион байгууллаа. Их, дээд сургуулийн I, II түвшний оюутнуудын дунд явагдсан энэхүү олимпиадад сургууль бүрээс 10 оюутан, нийт 11 их, дээд сургуулийн 110 оюутан статистикийн шинжлэх ухааны талаарх мэдлэг оюунаа сорин оролцсоноос манай сургууль оюутнуудынхаа амжилтаар тэргүүн байр эзэллээ.

Тус олимпиадад МУИС-ийг төлөөлөн Бизнесийн Сургуулийн болон Шинжлэх Ухааны Сургуулийн Эдийн засгийн оюутнууд оролцож,

I байр – Х.Амартүвшин (МУИС-БС)

III байр – Г.Батбилэг (МУИС-БС)

IV байр – Ч.Буянжаргал (МУИС-ШУС)

V байр – Б.Буяннэмэх (МУИС-БС)

VIII байр – Э.Ариунзаяа (МУИС-БС)

IX байр – Л.Баасанренчин (МУИС-БС)

тус тус эзэлж, 10 оюутны нийлбэр оноогоор багаараа тэргүүн байранд шалгарсан амжилт гаргалаа. Сургуулиа төлөөлж оролцсон нийт оюутнууддаа баяр хүргэж, сурлагын өндөр амжилтыг хүсье!

МУИС-ийн баг Монгол Улсын гавьяат багш доктор проф. С.Хандсүрэн, Монгол Улсын гавьяат багш доктор проф. Г.Элдэв-Очир, Үндэсний Статистикийн Хорооны дарга А.Ариунзаяа нарын хамт

I,II, III байр эзэлсэн оютунууд: Э.Цэрмаа (ХААИС), Г.Батбилэг (МУИС), Х.Амартүвшин (МУИС), Т.Дариймаа (ШУТИС).

Эх сурвалж: http://mandakh.edu.mn/news/115/single/3403