Япон Улсын Мияаги мужийн Шиогама Ротари клубын Сато Мотоюки тэргүүтэй төлөөлөгчид 2018 оны 8 дугаар сарын 20-ны өдөр МУИС-д зочлов. Төлөөлөгчдийг МУИС-ийн захирал Я.Төмөрбаатар хүлээн авч уулзан хамтын ажиллагааны өнөөгийн байдал, цаашдын төлвийн талаар санал солилцлоо.
Хоёр тал хамтын ажиллагааны өнөөгийн түвшинд сэтгэл ханамжтай байгаагаа илэрхийлэхийн хамт цаашид оюутан залуусын солилцоог улам өргөжүүлэх, 2019 оны 3 дугаар сард нэрт төгөлдөр хуурч Жүн Канногийн Монголд хийх тоглолтыг тохиолдуулан Тохокүгийн их сургууль, МУИС-ийн оюутнуудын урлагийн хамтлагийн хамтарсан тоглолтыг зохион байгуулахаар тохиролцов.
Дараа нь төлөөлөгчид Олон улсын Ротари нийгэмлэгийн захирал асан, тус Ротари клубын гишүүн Тарио Канногийн хандиваар байгуулагдаж, 2011 оны 7 дугаар сарын 21-нд нээлтээ хийсэн, одоо үйл ажиллагаа нь тогтмолжиж, амжилттай явж буй Ургамлын биотехнологийн лабораторийн судалгаа, сургалтын ажилтай танилцав.
