БСШУСЯ, Сингапурын Темасек сан, Сингапурын политехникийн сургууль хамтран хэрэгжүүлж буй “Ахисан түвшний CDIO” сургалтын 3 дахь ээлжийн сургалт МУИС-ийн Номын санд 2018 оны 8 дугаар сарын 20-24-ний өдрүүдэд болж байна. Уг сургалтад МУИС, ШУТИС, ХААИС, МУБИС, ҮБХИС, СУИС-ийн нийт 50 багш, 18 оюутан хамрагдаж байгаа юм.
Сургалтыг олон улсын эрхтэй Сингапурын сургагч багш нар удирдан явуулж байгаа бөгөөд энэ удаагийн сургалтын онцлог нь мэргэжлийн хөтөлбөрийн сургах болон сурах үйл, хөтөлбөрийн гарах үр дүн, төгсөгчийн нийтлэг дүр төрх, мэдлэг, чадвар, дадлыг дэмжих, хөгжүүлэх сургалтын орчинг хэрхэн бүтээх талаар мэргэжлийн зөвлөгөө өгч, сурах үйл явцыг дэмжсэн сургалтын орчинг бүрдүүлэх аргачлалыг зааж байна.
Сургалт зохион байгуулахад туслалцаа үзүүлж буй Азийн хөгжлийн банк-Дээд боловсролын шинэчлэлийн төсөл, МУИС-ийн хамт олон, оролцож буй сургуулиуддаа талархал илэрхийлье.
