МОНГОЛ УЛСЫН ИХ СУРГУУЛИЙН “АЖИЛ МЭРГЭЖИЛ СУДЛАЛ”-ЫН МАГИСТРЫН ХӨТӨЛБӨРТ ЭЛСЭН СУРАЛЦАХЫГ УРЬЖ БАЙНА
Монгол Улсын Их Сургууль нь 2017-2018 оны хичээлийн жилээс “Ажил мэргэжил судлал”-ын магистрын зэрэгтэй “Ажил мэргэжлийн зөвлөх” мэргэжилтэнг бэлтгэх хөтөлбөрийг БСШУСЯ, ХНХЯ-ны дэмжлэгтэйгээр Герман, Швейцарь, Австрали Улсын Засгийн газрын санхүүжилттэй ГОУХАН (GIZ)-ийн “Ашигт малтмалын салбар дахь түншлэлд суурилсан мэргэжлийн боловсрол, сургалт” төслийн хүрээнд хэрэгжүүлж байна.
Хөтөлбөрийн танилцуулга
| Мэргэжил: Ажил мэргэжил судлал
Боловсролын зэрэг: Магистр |
- Суралцах хугацаа: 1.5-2 жил
- Нийт багц цаг: 36
Элсэгчдэд тавигдах шаардлага: МУИС-ийн магистрын хөтөлбөрийн элсэгчдэд тавигдах нийтлэг шаардлагыг хангасан байх, голч оноо 2.5-аас доошгүй, бакалаврын түвшинд эзэмшсэн мэргэжил харгалзахгүй элсэх боломжтой. Элсэгчдийн боловсрол: Бакалавр
Салбар дундын хөтөлбөр: Улс төр судлалын тэнхим; Боловсрол, сэтгэл судлалын тэнхим; Социологи, нийгмийн ажлын тэнхим
Сургалтын хэлбэр: Өдрийн болон зайн сургалт
“Ажил мэргэжлийн зөвлөх” нь дараах салбаруудад ажиллах болон судалгаа хийх боломжтой. Үүнд:
- Төрийн болон хувийн хэвшлийн хөдөлмөр эрхлэлтийн бүхий л салбар
- Төрийн болон хувийн хэвшлийн боловсролын бүх шатны байгууллага
- Хөдөлмөр эрхлэлт, боловсролын чиглэлээр үйл ажиллагаа явуулдаг олон улсын, иргэний нийгмийн байгууллагууд
- Хүний нөөцийн менежмент, байгууллагын хүний нөөцийн хөгжил хариуцсан газар, хэлтэс болон бусад.
Зайн сургалтын онцлог:
- Орон нутагт ажиллаж, амьдарч байгаа элсэгчдийг түлхүү хамруулах.
- Суралцах 1.5-2 жилийн хугацаанд 5-6 удаа танхимын сургалтанд хамрагдаж, судалсан хичээлээр бие даалт, даалгавраа шалгуулж, шалгалт өгнө.
- Зайн сургалтын материал тарааж өгнө.
- Орон нутагт дадлага хийх, бие даан суралцах, цахимаар даалгавраа илгээх боломжтой.
Элсэлтийн бүртгэл:
Элсэлтийн бүртгэл зөвхөн цахим хэлбэрээр http://burtgel.num.edu.mn хаягаар 2018.09.10-ны өдрийн 17:30 цаг хүртэл явагдана.
Хаяг, холбоо барих утас:
МУИС, ШУС, Нийгмийн ухааны салбар, Ажил мэргэжил судлал
Хичээлийн 2-р байр, 238 тоот, 75754400-2308, 88958436
