Израилийн Хэбрэү их сургуулийн Проф. Рювен Амитайг Дэлхийн Монгол судлал, Монгол улс – Израилийн эрдэм солилцооны хөгжил болон МУИС-ийн гадаад хамтын ажиллагаанд оруулсан үнэтэй хувь нэмрийг нь өндрөөр үнэлэн 2018 оны 8 дугаар сарын 30-ны өдөр МУИС-ийн Олон улсын харилцаа, нийтийн удирдлагын сургуулийн Хүндэт доктор цол олголоо.
“Хүндэт доктор” цол олгох ёслолын ажиллагааг нээж МУИС-ийн дэд захирал Ч. Ундрам үг хэлсэн юм. Эрдмийн зөвлөлийн хурлын тогтоол, Израйлийн Хэбрэү их сургуулийн Проф. Рювен Амитайгийн намтрыг уншиж сонордуулан, “Хүндэт Доктор”-ын диплом, тэмдэг, өмсгөлийг ОУХНУС-ийн захирал С.Баттулга, Эрдмийн зөвлөлийн эрдэмтэн нарийн бичгийн дарга Ж.Баттөр нар гардуулан өглөө.
“Хүндэт доктор”, проф. Рювен Амитай Монголын эзэнт гүрний түүх, Ойрхи дорнод дахь Монголын байлдан дауулал, Ил-хаадын түүхийн талаар сонирхолтой лекц уншлаа.
