Жил бүрийн 9 дүгээр сарын 21-ний өдрийг НҮБ-ын Ерөнхий Ассамблейгаас Дэлхийн энх тайвны өдөр болгон тэмдэглэхээр тогтсон билээ. Энэхүү өдрийг тэмдэглэх болсон гол шалтгаан нь улс хооронд болон улс доторх зэвсэгт мөргөлдөөн, түүнээс үүдэлтэй дүрвэгсэд, ядуурал зэрэг асуудал үүсэж байгаад дэлхий нийтийн анхаарлыг хандуулахад оршиж байгаа юм.
Үүний дагуу МУИС-ийн Олон улсын харилаа, нийтийн удирдлагын сургууль Цэнхэр Сүлд ТББ-тай хамтран энэ өдрийг энэ жил Хүний эрхийн 70 жилийн ойн хүрээнд тэмдэглэж, өдөрлөг зохион байгууллаа. Энэхүү өдөрлөгөөр олон улсын харилцаа, олон улсын аюулгүй байдлын асуудал сонирхон судалдаг оюутан залуус дэлхийн энх тайван, дайн, зэвсэгт мөргөлдөөн болон хүний үндсэн эрхийн талаар мэдлэг, ойлголтоо зургаар илэрхийлэн тайлбарлан таниулснаараа чухал юм. Энэхүү өдөрлөгийг зохион байгуулахад ОУХНУС-ийн багш С.Баясгалан, Д.Оюунсүрэн, Д.Өнөрмаа, Э.Мэргэн нар оролцов.
