Ахмадын баяр болон багш нарын баярыг тохиолдуулан Нийгмийн бодлого, боловсрол, соёл, шинжлэх ухааны байнгын хорооноос “Монголын ахмад багш нарын хүндэтгэлийн дурсамж уулзалт”-ыг 2018 оны 9 дүгээр сарын 27-ны өдөр Төрийн ордноо зохион байгуулах гэж байна. Энэхүү уулзалтад 1000 багш оролцох бөгөөд МУИС-иас 20 ахмад багш оролцоно. Уг уулзалтад оролцсон ахмад багш нар мөн өдрийн 14.00 цагаас МУИС-ийн хичээлийн 1-р байрны 217 тоот өрөөнд багш шавийн дурсамж уулзалтад оролцох юм.
МУИС-ийн ахмад багш нарын хүндэтгэлийн хүлээн авалт 9 дүгээр сарын 30-ны 12.00 цагаас Улаанбаатар ресторанд болно.
