Монголын Залуу Эрдэмтдийн Холбооноос “Хүрэлтогоот” эрдэм шинжилгээний бага хурлыг Боловсрол, Соёл Шинжлэх Ухааны Яамны дэмжлэгтэйгээр Шинжлэх Ухааны Академи, Шинжлэх Ухаан Технологийн Сан, Их дээд сургууль, эрдэм шинжилгээний байгууллагуудтай хамтран зохион байгуулдаг бөгөөд энэ жилийн хурал 2018 оны 10 дугаар сарын 27-ны өдөр ШУА-ийн ООГХ-ийн харьяа одон орон судлах “Оргил төв”-д зохион байгуулагдана.
Энэхүү бага хуралд тавигдах илтгэлүүдийн хураангуйг буюу эрдэм шинжилгээний өгүүллийг бүрэн эхээр нь 2018 оны 10 дугаар сарын 17-ныг дуустал хүлээн авах тул залуу судлаачид өөрсдийн бүтээлийг дараах тусгай форматын дагуу бэлдэж зохион байгуулах комисст заагдсан хугацаанаас өмнө khureltogoot.nature@gmail.com хаягаар ирүүлнэ үү. Форматын дагуу бэлдэж ирүүлээгүй, хугацаанаас хоцорсон өгүүллийг шалгаруулалтад оролцуулахгүй болно.
