МУИС-ийн Олон Улсын Харилцаа Нийтийн Удирдлагын Сургуулийн Нийтийн удирдлагын тэнхимийн “Public administration week” үйл ажиллагааны хүрээнд “Мини УИХ”-ын 2018-2019 оны хичээлийн жилийн нээлтийн чуулган 2018 оны 10 дугаар сарын 13-ны өдрийн Бямба гарагт МУИС-ийн Төв номын сангийн 502 тоот хурлын танхимд амжилттай зохион байгуулагдлаа. Уг арга хэмжээнд ОУХНУС-ийн Нийтийн удирдлагын тэнхимийн эрхлэгч Проф. Др. Н.Бурмаа, багш нар, АНУ-ын Анкорэжийн Аляскийн их сургуулийн Prof. Dr. John Duffy, ОУХНУС-ийн клубүүдийн төлөөлөл урилгаар оролцлоо.
Тус үйл ажиллагааг Проф. Др. Н.Бурмаа нээж “Мини УИХ”-ын 2018-2019 оны хичээлийн жилд төлөвлөсөн үйл ажиллагаанд амжилт хүсэн, тэнхимээс зохион байгуулсан үйл ажиллагаанд анги хамт олон, клубийнхээ гишүүдээ манлайлан оролцсон хичээл зүтгэлийг үнэлэн “Мини УИХ”-ын дарга М.Батдоржийг “Нийтийн удирдлагын үндэс” сурах бичгээр урамшууллаа. Энэ хичээлийн жилд шинээр элссэн гишүүд тангараг өргөж, “Мини УИХ”-ын 2018-2019 оны үйл ажиллагааны төлөвлөгөө танилцуулж, “Мини УИХ”-ын дүрмийг нээлтийн чуулганаар хэлэлцэж баталлаа.
Мөн Нийтийн удирдлагын тэнхимийн зочин профессор Prof. Dr. John Duffy Мини их хурлын үйл ажиллагаанд уригдан оролцсон сэтгэгдлээ хуваалцаж, цаашид Анкорэжийн Аляскийн их сургуулийн Оюутны зөвлөл болон “Мини УИХ” клубийн хамтын ажиллагааг санаачлан өргөжүүлэх өргөн боломжтойг онцоллоо. “Мини УИХ”-н нийт гишүүд, зохион байгуулагчид болон дэмжигч оюутнуудад 2018-2019 оны хичээлийн жилийн үйл ажиллагаандаа идэвх зүтгэл, санаачлага гарган оролцохыг ОУХНУС-ийн Нийтийн Удирдлагын Тэнхимийн зүгээс хүсч байна.
Оюутнууддаа сурлагын өндөр амжилт хүсье.
ОУХНУС-ийн Нийтийн удирдлагын тэнхим
