МУИС-ийн 2018-2019 оны хичээлийн жилийн намрын улирлын “Мэргэжлийн хөтөлбөр сурталчлах өдөрлөг” 11 дүгээр сарын 5-7-ны өдрүүдэд амжилттай болж өндөрлөлөө. Тус өдөрлөгийн үеэр Хөтөлбөр, чанарын баталгаажуулалтын хэлтсээс “Мэргэжлийн хөтөлбөр сонгох” үйл явц, Оюутан төгсөгчийн хэлтсээс “Оюутны тэтгэлэг, үйл ажиллагаа”-ны мэдээлэл болон Ажил мэргэжил судлалын багш нар “Мэргэжлээ хэрхэн сонгох” тухай мэдээллийг оюутнуудад хүргэлээ.
Мөн МУИС-ийн төгсөгчид хүрэлцэн ирж өөрсдийн эзэмшсэн мэргэжлийн онцлог, давуу тал болон бахархдаг зүйлсийн талаар сонирхолтой яриа өрнүүлсэн бөгөөд Ажил мэргэжил судлалын магистрантууд ганцаарчилсан зөвлөгөө өгч Мэргэжлийн хөтөлбөрийн танилцуулга бүхий гарын авлагыг оюутнуудад тараалаа. Идэвхитэй оролцсон Тэнхимийн эрхлэгчид, багш, оюутнууд болон нийт төгсөгчиддөө баярласнаа илэрхийлье.
Хөтөлбөр, чанарын баталгаажуулалтын хэлтэс
Утас: 75754400 (1310-1319)
