Дэлхийн эрүүл мэндийн байгууллагаас жил бүр зохион байгуулдаг ДОХ-ын эсрэг өдрийг энэ жил “Яг одоо шинжилгээнд” уриатайгаар зохион байгуулах гэж байна. МУИС-ийн Оюутан, төгсөгчийн хэлтэс, Сүхбаатар дүүргийн эрүүл мэндийн нэгдэл хамтран 2018 оны 11 дүгээр сарын 28-ны өдрийн 10:00-15:00 цагт ДОХ-ын эсрэг өдөрлөгийг хичээлийн 2-р байрны 2 давхарын талбайд зохион байгуулна.
Өдөрлөгийн гол зорилго нь оюутан залуучуудад ДОХ болон БЗДХӨ-ний тухай ойлголт, дамжин халдварлах зам, эдгээр өвчнөөс урьдчилан сэргийлэх тухай үнэн зөв мэдлэг, мэдээлэл өгөхөд оршино. Мөн өдөрлөгийн үеэр ДОХ болон БЗДХӨ-ний сайн дурын илрүүлэг шинжилгээ хийнэ.
ОЮУТАН, ТӨГСӨГЧИЙН ХЭЛТЭС
