МУИС-ийн Оюутны Холбоо Оюутан Конгрессийн тэргүүн Г.Мандах тэргүүтэй бүрэлдэхүүн 2018 оны 11 дүгээр сарын 2-4-ний өдрүүдэд МУИС-ийн салбар Завхан сургуулийн оюутан залуучуудтай уулзалт зохион байгууллаа. Уг уулзалтаар Завхан сургуулийн оюутнуудын эрх ашгийг хамгаалахад чиглэсэн форум зохион байгуулж, “Хөгжлийн хөтөлбөр”-ийг амжилттай хэрэгжүүлсэн юм. Уулзалтын нээлт 11 дүгээр сарын 2-ны 11:00 цагт эхэлж, Завхан аймгийн сургалтын албаны менежер Д.Бямбадорж, МУИС-ийн Оюутны Холбоо Оюутан Конгрессийн тэргүүн Г.Мандах нар ёслол төгөлдөр нээж, МУИС-ийн “WING” бүжгийн хамтлагийн авьяаслаг залуучууд урлагийн тоглолт үзүүлэн Завханы оюутнууддаа бэлэг барилаа. Мөн “Хөгжлийн хөтөлбөр”-ийн гурван төрлийн сургалтыг амжилттай зохион байгууллаа.
Мөн оюутнуудын дунд судалгаа явуулсан бөгөөд судалгаагааны үр дүнд багш оюутнуудын харилцаа болон сургалтын чанарыг ахиулах, анги танхим,техник, зарим ном хэвлэлүүдийн хүрэлцээг нэмэгдүүлэх, мөн дотуур байрны амьдрах орчны нөхцөлийг сайжруулах, оюутнуудыг хөгжүүлэх клуб болон оюутанд чиглэсэн ажлууд зохион байгуулах шаардлагатай гэсэн дүгнэлтэд хүрсэн байна.“Хөгжлийн хөтөлбөр”-ийн хүрээнд Оюутнууддаа илтгэл тавьж, санал бодлоо солилцов. Уулзалтын хаалтын ёслол 11 дүгээр сарын 4-ний 21:00 цагт болж оюутан залуус маань сэтгэл дүүрэн үйл ажиллагаагаа өндөрлөв.
