Захиргааны зөвлөлийн ээлжит хурал боллоо

Share Button

МУИС-ийн Захиргааны зөвлөлийн 2018 оны 12 дугаар сарын 4-ний өдрийн хуралдааны мэдээлэл

ХЭЛЭЛЦСЭН АСУУДАЛ:

  1. МУИС-ийн Бүтцийн өөрчлөлтийн талаарх тандалт судалгааны дүн, тайлан хэлэлцүүлэх
  2. Томилолтын тайлан:
  • БНСУ-ын Чун-Аны их сургуульд ажилласан тухай
  • ОХУ-ын Эрхүү хотын Байгалийн улсын их сургуульд ажилласан тухай
  1. БНФУ-ын Сорбонны их сургуультай хамтын ажиллагааны гэрээ байгуулах тухай

ШИЙДВЭР:

  1. МУИС-ийн Бүтцийн өөрчлөлтийн талаарх багш нарын санал бодлыг судалсан тандалт судалгааны дүн, тайланг сонсож, Удирдах зөвлөлд танилцуулахаар шийдвэрлэв.
  2. Захирал Я.Төмөрбаатар, дэд захирал Ч.Ундрам нарын БНСУ-ын Чун-Аны их сургууль дээр зохион байгуулагдсан QS-APPLE 2018 “Ирээдүйн Ази Номхон далайн орнуудын их дээд сургуулиуд: Дээд боловсролын өнгө төрхийг өөрчлөх нь” сэдэвт олон улсын хуралд оролцсон тухай тайлан сонслоо.
  3. ХШУИС-ийн захирал Н.Баатарбилэг, ХШУИС-ийн профессор Б.Ганбат нарын ОХУ-ын Эрхүү хотын Байгалийн улсын их сургуулиас зохион байгуулсан Орос Монголын инженер технологийн дээд сургуулиудын захирлуудын уулзалтад МУИС-ийг төлөөлөн оролцсон тухай тайлан сонслоо.
  4. БНФУ-ын Сорбонны их сургууль (Sorbonne University)-тай хамтын ажиллагааны гэрээ байгуулахаар боллоо.