Нийслэлийн цагдаагийн газар болон Сүхбаатар дүүрэг дэх цагдаагийн нэгдүгээр хэлтсийн нийтийн хэв журам хамгаалах тасгийн цагдаагийн ажилтнууд МУИС-ийн оюутнуудад гэмт хэрэг, зөрчлөөс урьдчилан сэргийлэх талаар цуврал сургалтыг зохион байгуулж байна.
2019 оны 2 дугаар сарын 27-ны өдөр Сүхбаатар дүүрэг дэх Цагдаагийн нэгдүгээр хэлтсийн ахлах мэргэжилтэн, цагдаагийн хошууч Н.Бат-Эрдэнэ оюутнуудад гэмт хэргээс урьдчилан сэргийлэх тухай хууль болон холбогдох бусад хууль тогтоомжийн хүрээнд оюутнуудын хууль, эрх зүйн мэдлэгийг дээшлүүлэх, гэмт хэрэгт холбогдох, өртөж хохирох шалтгаан нөхцлийг арилгах талаар мэдээлэл, сургалт хийлээ.
Хууль, эрх зүйн сургалт, мэдээ мэдээлэл цувралаар үргэлжлэн явагдана.
ОЮУТАН, ТӨГСӨГЧИЙН ХЭЛТЭС
