Васеда Их Сургууль нь 2014 оноос эхлэн япон судлалын оюутанд зориулсан дөрвөн долоо хоногийн зуны сургалтыг эхлүүлсэн бөгөөд 2019 оны зуны сургалтад оролцохыг урьж байна.
Зуны сургалтын хугацаа: 2019 оны 6 дугаар сарын 24-өөс 7 дугаар сарын 18-ныг хүртэл 4 долоо хоног байна.
Оролцогчид Япон, Ази номхон далайн орнуудын уран зохиол, урлаг, бизнес, соёл, эдийн засаг, түүх, улс төр, социологийн талаархи 14 чиглэлээс 2-ыг сонгож, 4 кредит авч болно. Сургалтуудыг Васеда их сургуулийн туршлагатай багш нар болон дэлхийн шилдэг их, дээд сургуулиудын багш нар удирдан явуулна. Мөн япон хэлний курсээс сонгох боломжтой. Зуны сургалтад оролцогчид нь Япон оронтой танилцах аялал, өөр бусад соёлын арга хэмжээнүүд зэрэг гадуурх үйл ажиллагаануудад хамрагдах боломжтой
Бүртгэлийг онлайнаар хийх ба 2019 оны 3 дугаар сарын 1-29 хүртэл явагдана.
Курс, сургалт, төлбөрийн талаарх дэлгэрэнгүй мэдээллийг http://waseda-summer.com/ цахим хуудаснаас авах боломжтой бөгөөд зуны сургалтын талаархи мэдээллийг summersession@list.waseda.jp цахим шуудангаар холбогдож авна уу.
ОЮУТАН ТӨГСӨГЧИЙН ХЭЛТЭС
