МУИС-ийн Магистрын сургалтын 19 дэх төгсөлт өнгөрсөн баасан гарагт боллоо. Төгсөлтийн баярыг МУИС-ийн Ардын Урлаг Судлалын ангийн оюутнууд ардын хөгжмийн эгшгэн хадгаар мялааж, МУИС-ийн захирал С.Төмөр-Очир, Эрдэм шинжилгээ иновацийн асуудал эрхэлсэн дэд захирал Ч.Ганзориг, Магистр Докторын сургалтын албаны дарга М.Цогбадрах нар төгсөгчдөдөө баяр хүргэн дипломыг нь гардуулан өгсөн юм. Энэ удаагийн төгсөлтөөр 100 оюутан магистрын зэргээ хамгааллаа. Нийт төгсөгчдөдөө баяр хүргэе.
