Монгол Улсын Их Сургууль нь Цагдаагийн ерөнхий газрын Хар тамхитай тэмцэх газартай мансууруулах эм, сэтгэцэд нөлөөт бодистой холбоотой гэмт хэрэг, зөрчлийн шалтгаан нөхцлийг судлах, урьдчилан сэргийлэх, оюутан, багш, ажилтнуудад хор аюулыг тайлбарлан таниулах, тэдний оролцоо, дэмжлэгийг нэмэгдүүлэх зорилгоор хамтран ажиллах “Санамж бичиг”-т гарын үсэг зуран хамтран ажиллаж байгаа билээ. Мансууруулах эм, сэтгэцэд нөлөөт бодистой холбоотой гэмт хэрэг, зөрчлөөс урьдчилан сэргийлэх чиглэлээр хамтран ажиллах ажлын төлөвлөгөөний дагуу МУИС-ийн багш нарт Хар тамхитай тэмцэх газраас сургалт явуулав.
Сургалтыг Цагдаагийн ерөнхий газрын Хар тамхитай тэмцэх газрын Эрүүгийн ахлах мөрдөгч, цагдаагийн хошууч Б.Мандухай хийлээ. Сургалтанд хамрагдсан багш нар оюутнууддаа мансууруулах эм, сэтгэцэд нөлөөт бодистой холбоотой гэмт хэрэг, зөрчлөөс урьдчилан сэргийлэх, хор аюул, үр дагаврын талаар тайлбарлан таниулах юм.
Оюутан, төгсөгчийн хэлтэс
