Япон Улсын IUJ (International University of Japan) нь “Бизнесийн удирдлага” мэргэжлээр сургалт явуулдаг байгууллагуудаас зэрэглэлийн хувьд дэлхийд 67-р байр, Азид 2-р байранд эрэмбэлэгддэг өндөр зэрэглэлийн сургууль бөгөөд Япон улсын Боловсрол, соёл, спорт, шинжлэх ухаан, технологийн яамнаас зарласан “Top Global University Project” төсөлд шалгаран төрийн зүгээс санхүүжилт авдаг, зөвхөн ахисан түвшний хөтөлбөр хэрэгжүүлдэг цөөн сургуулийн нэг юм.
МУИС-Бизнесийн сургууль нь тус сургуультай хамтарсан Монгол улсад 1 жил, Япон улсад 1 жил суралцаж магистрын зэрэг авах “1+1 хөтөлбөр”-ийг хэрэгжүүлж эхлээд байна. Суралцагч нь Монгол болон Япон улсад англи хэл дээр ахисан түвшний хичээлүүдийг судалж магистрын түвшний зэрэг эзэмшинэ.
МУИС-ийн Бизнесийн сургуулийн магистрт элсэгч нь сургалтын төлөвлөгөөн дэх доорх 8 хичээлийг англи хэлээр судлах, Японд 1 жил суралцах төлбөрөө санхүүжүүлэх боломжтой бол уг хөтөлбөрт хамрагдаж болно.
МУИС-ийн Бизнесийн сургуульд үзэх хичээлүүд:
• Applied statistics
• Business ethics
• Advanced financial management
• Financial accounting
• Managerial economics
• Marketing management
• Operations management
• Organizational behavior
Мөн МУИС-Бизнесийн сургуульд суралцах 1 жилийн хугацаандаа сургалтын төлбөрөөс 50 хүртлэх хувь хөнгөлүүлэх боломжтой.
Дэлгэрэнгүй мэдээллийг МУИС-Бизнесийн сургуулийн Менежментийн тэнхимээс тодруулна уу.
Хаяг: МУИС-ийн 4-р байр 214 тоот
Утас: 99727210, 75754400 (4117)
