МУИС-ийн Удирдах зөвлөлийн 2020 оны 6 дугаар сарын 16-ны өдрийн хуралдааны мэдээлэл
МУИС-ийн Удирдах зөвлөл 2020 оны 6 дугаар сарын 16-ны өдөр хуралдаж дараах шийдвэрийг гаргалаа.
Хэлэлцсэн асуудал:
- МУИС-ийн 2020-2021 оны бакалаврын өдрийн хөтөлбөрт оюутан элсүүлэх хяналтын тоо батлах тухай
- МУИС-ийн 2019 оны санхүүгийн тайланд хийсэн аудитын дүгнэлтийн тухай
- МУИС-ийн 2020 оны төсвийн тодотгол батлах тухай
- Бусад асуудал
Шийдвэрлэсэн нь:
- МУИС-ийн 2020-2021 оны хичээлийн жилийн бакалаврын өдрийн хөтөлбөрт элсэгчдийн хяналтын тоог 3705 байхаар батлав.
- МУИС-ийн Удирдах зөвлөлийн гишүүд 2019 оны санхүүгийн тайланд хийсэн аудитын дүгнэлттэй танилцаж, аудитаас МУИС-ийн 2019 оны санхүүгийн тайланд “Зөрчилгүй” гэсэн санал дүгнэлт өгөгдсөнийг сайшааж цаашид аудитын зөвлөмжийг хэрэгжүүлж ажиллахыг холбогдох албан тушаалтнуудад үүрэг болголоо.
- Аудитаас өгсөн зөвлөмжийн дагуу МУИС-ийн дүрмийн санг нэмэгдүүлэхээр шийдвэрлэв.
- МУИС-ийн 2020 оны төсвийн тодотголыг БСШУС-ын сайдын 2020 оны 4 дүгээр сарын 20-ны өдрийн А/195 тоот тушаалаар “…төсөвт тодотгол хийх асуудлыг удирдах зөвлөлөөр шийдвэрлүүлэх тухай…” чиглэл өгөгдсөний дагуу хэлэлцэн баталлаа.
- УИХ, Засгийн газрын шийдвэрээр МУИС-ийн багш, ажилтнуудын нийгмийн даатгалын шимтгэлийг чөлөөлсөнтэй холбоотойгоор хуримтлагдсан эх үүсвэрийг багш, ажилтнуудад урамшуулалт цалин /5 хувь/ хэлбэрээр олгохоор шийдвэрлэлээ.
- Коронавируст халдвар, /Ковид-19/-ын цар тахлын үед МУИС-д авч хэрэгжүүлсэн ажлын тайланг хэлэлцэн дүгнэж БСШУСЯ-нд хүргүүлэхээр болов.
- МУИС-ийн Удирдах зөвлөлийн нарийн бичгийн даргаар МУИС-ийн Шинжлэх ухааны сургуулийн Байгалийн ухааны салбарын Биологийн тэнхимийн профессор Б.Батжаргалыг томиллоо.
Захиргаа, хүний нөөцийн газар
