МУИС-ийн 70 жилийн ойн баярын хурал 10 сарын 05-ны өдөр Соёлын төв өргөөнд боллоо. Баярын хурал МУИС-ийн захирал Доктор, профессор С.Төмөр-Очир нээж үг хэлснээр эхэлж, Монгол улсын ерөнхий сайд, МУИС-ийн төгсөгч Н.Алтанхуяг, БШУЯ-ны дэд сайд Д.Ургамалцэцэг нар хүрэлцэн ирж мэндчилгээ дэвшүүллээ. Мөн МУ-ын ерөнхийлөгч Ц.Элбэгдоржийн мэндчилгээг ерөнхийлөгчийн зөвлөх Р.Болд дамжуулсан юм.
Монгол улсын ууган их сургуулийн түүхэн ойн баярын хуралд уригдан ирсэн ахмад багш ажилтан, ажилчид, төгсөгч хамтран ажилладаг байгууллага, төр засгийн удирдлагууд, олон улсын хүндэт зочиддоо МУИС-ийн 70 жилийн ойд зориулан Авай студэд бүтээсэн баримтат киног үзүүлж, авьяаслаг багш, оюутнуудын хүндэтгэлийн концертыг толилуулсан юм. Тоглолт МУИС-ийн багш, оюутнууд, төгсөгчдөөс бүрдсэн ” зөвхөн МУИС-ийнхан”-ны уран бүтээлийн ёслол төгөлдөр хүндэтгэлийн концерт байснаараа онцлогтой байлаа.
Баярын үйл ажиллагааг гэрэл зургаар хүргэж байна.
