МУИС болон БНСУ-ын Апру Эф Жи сангийн 2012 онд байгуулсан хамтын ажиллагааны гэрээний дагуу OK BAE & JUNG сангийн нэрэмжит тэтгэлгийг зарлаж байна.
Тэтгэлгийн зорилго: Энэхүү тэтгэлгийн гол зорилго нь Монгол, Солонгос хоёр орны харилцан ойлголцлыг бэхжүүлэх, хөгжүүлэх хүрээнд МУИС-д идэвхтэй суралцаж буй, эдийн засгийн хүндрэлээс үл шалтгаалан мөрөөдөлдөө хүрэх чин хүсэл эрмэлзэлтэй нийгмийн идэвхтэй, авьяаслаг, сурлага сайтай оюутнуудад дэмжлэг үзүүлнэ.
Тэтгэлгийн сонгон шалгаруулалт: Тэтгэлгийн анхан шатны шалгаруулалтыг МУИС хийж нийт 20 суралцагчийн материалыг шалгаруулан OK BAE&JUNG санд илгээх бөгөөд эцсийн шатны шалгаруулалтыг тэтгэлэг олгогч тал хийж 5 суралцагчийг шалгаруулан тэтгэлэг олгох болно.
Тэтгэлэгт тавигдах шаардлага:
- МУИС-ийн Солонгос хэл судлалын хөтөлбөрөөр суралцаж буй бакалаврын түвшний идэвхтэй төлөвийн суралцагч байх /Жич: ХЗС нь энэ тэтгэлэгт оюутнуудаа бие даан хамруулдаг учир хууль, эрх зүйн хөтөлбөрт суралцаж буй суралцагчдын материал хүлээн авахгүй/
- МУИС-д идэвхтэй суралцаж буй Солонгос иргэншилтэй суралцагч /хөтөлбөр хамаарахгүй/
- Сурлагын голч дүн 3.0 буюу түүнээс дээш байх,
- Сургалтын төлбөрийн 12 багц цагтай тэнцэх хэмжээний тэтгэлэгт хамрагдсан тохиолдолд тэтгэлгийг давхардуулж олгохгүй
Бүрдүүлэх бичиг баримтын жагсаалт:
- Хүсэлт гаргах анкет /application form-ыг англи хэл дээр загварын дагуу/ Татах
- Дүнгийн тодорхойлолт /англи, монгол хэл дээр/
- Амжилтыг гэрчлэх бичиг баримтын хуулбар /ахлах сургуулийн төгсөх жилийн болон оюутан байх үеийн амжилт байх/
- Монгол хэл дээр “МУИС-ийн соёл” сэдвээр 200-аас доошгүй үгтэй эссе бичих /application form-той уялдуулах/
Дээрхи материалуудыг нэгтгэн нүхтэй хавтсанд хийж ирүүлнэ. Тэтгэлгийн хүсэлт гаргах бичиг баримтыг 2020 оны 10 дугаар сарын 01-ний пүрэв гарагийн 15.00 цаг хүртэл МУИС-ийн хичээлийн 2-р байрны 109 тоот өрөө, Оюутан, төгсөгчийн хэлтэс хүлээн авна.
Хугацаа хоцорсон материал хүлээн авахгүй болохыг анхаарна уу.
Мэдээлэл авах утас: 77307730-1514, altanzull.nergui@gmail.com, n.altanzul@num.edu.
Оюутан, төгсөгчийн хэлтэс
