МУИС-ийн ерөнхий суурийн оюутнуудад зориулсан мэргэжлийн хөтөлбөр сурталчлах намрын өдөрлөг эхэллээ. Өдөрлөг 2020 оны 11 дүгээр сарын 2-6, 11 дүгээр сарын 9-13-ны өдрүүдэд зохион байгуулагдах бөгөөд “Ерөнхий танилцуулгын 7 хоног”, “Хөтөлбөр танилцуулгын 7 хоног” гэсэн 2 үе шаттай.
2020 оны 11 дүгээр сарын 2-6-ны өдрүүдэд элсэгчдэд:
- Хөтөлбөр сонголтын талаарх ерөнхий ойлголт
- Журмын заалтууд, шат дараалал
- Сиси системээр хөтөлбөр сонголт хэрхэн хийх тухай зааварчилгаа, бусад анхаарах зүйлс
- Мэргэжлээ хэрхэн сонгох талаар “Ажил мэргэжил судлал” магистрын хөтөлбөрийн баг зөвлөгөө өгнө.
2020 оны 11 дүгээр сарын 9-13-ны өдрүүдэд Хөтөлбөр танилцуулгын долоо хоногийг бүрэлдэхүүн сургууль, тэнхимүүд зохион байгуулж, харьяа хөтөлбөрийн талаар мэдээлэл өгнө.
Мэргэжлийн хөтөлбөр сурталчлах өдөрлөгтөө идэвхтэй оролцоорой.
