Дэлхийн философийн өдрийг тохиолдуулан МУИС-ийн бакалаврын түвшний оюутнуудын дунд жил бүр уламжлал болон зохиогддог ”Ёс зүй бол амьдрах урлаг мөн” эсээ бичлэгийн уралдаанд МУИС-ийн бүх бүрэлдэхүүн сургуулийн төлөөлөл болох бакалаврын 65 оюутан эсээгээ цахимаар ирүүлж, амжилттай болж өндөрлөлөө.
Ёс зүйн талаарх оюутнуудын мэдлэгийг өргөжүүлэн гүнзгийрүүлэх, бие даан зөв ухаалаг шийдвэр гаргах чадвар эзэмшүүлэх, оюутны бүтээлч сэтгэлгээг хөгжүүлж, ёс суртахууны онолын мэдлэгээ амьдралд хэрэглэх мэдлэг, чадварыг нь дээшлүүлэх зорилготой энэхүү уралдаанд:
- Тэргүүн байрыг ШУС-ийн ХУС-ын оюутан Ө.Өсөхбаяр
- Дэд байрыг ШУС-ийн ХУС-ын оюутан Б.Баатарзоригт
- Гутгаар байрыг ХШУИС-ийн оюутан О.Золжаргал нар тус тус эзэлсэн бөгөөд өргөмжлөл, мөнгөн шагналаар шагнасан болно.
Эсээ бичлэгийн энэ уралдаанд амжилттай оролцсон оюутнууддаа сурлагын өндөр амжилт хүсье.
МУИС-ийн ШУС-ийн
ФИЛОСОФИ, ШАШИН СУДЛАЛЫН ТЭНХИМ
