Бүгд Найрамдах Чех Улсын Боловсрол, Залуучууд, Биеийн тамирын яамнаас чех хэл соёлыг сонирхон судалдаг оюутан, төгсөгч, багш, ажилтан нарыг дэмжих зорилгоор БНЧУ-д зохион байгуулагдах Слав судлалын Зуны сургуулийн хөтөлбөрийг зарлаж байна.
Хоёр улсын Засгийн газар хоорондын гэрээний дагуу нийт 3 хүнийг уг зуны сургуульд тэтгэлгээр хамруулах бөгөөд өгөгдсөн орон тооноос гадна хувиараа төлбөрөө төлөх боломж мөн нээлттэй байна. Тэтгэлэг дараах гурван их сургуульд зарлагдсан байна.
- Карлын Их сургуулийн харьяа Подебради хот дахь Хэл, бэлтгэл сургалтын институт (2021 оны 7 сарын 5-наас 7-р сарын 30-ны хооронд)
- Плзень хотын Баруун Бохемийн их сургуулийн Хэрэглээний хэл шинжлэлийн институт (2021 оны 7 сарын 10-наас 7-р сарын 30-ны хооронд)
- Чэскээ Будеёвицэ хотын Өмнөд Бохемийн Их Сургуулийн Урлагийн Факультет (2021 оны 8 сарын 15-наас 9 сарын 6-ны хооронд)
Тэтгэлэгт тавигдах шаардлага:
- МУИС-ийн идэвхитэй төлөвийн бакалаврын түвшний оюутан, магистрант докторант, багш, ажилтан /төгсөгч байж болно/
- Европын стандартын чех хэлний А1-А2 түвшний мэдлэгтэй /ерөнхий суурь хөтөлбөрөөр чех хэлийг судалсан байх, эсвэл чех хэлний тодорхой мэдлэгтэй, чех хэлний мэдлэгээ гэрчлэх бичиг баримттай байх ёстой./
- Харилцааны соёлтой, нээлттэй, суралцах, өөрийгөө хөгжүүлэх хүсэл эрмэлзлэлтэй байх
Бүрдүүлэх материал:
- Сургуулийн тодорхойлолт англи хэл дээр
- Албан ёсны дүнгийн хуулбар
- Суралцагчийн талаархи мэдээллийг агуулсан тэтгэлгийн анкет (https://www.mzv.cz/ulaanbaatar/mn/x2010_11_18/x2010_11_18_1/x2021/letni_skola_slovanskych_studii_2021.html хаягаар орж татаж авна.)
- Сургалтын зорилго бичгээр өгөх
- Гадаад пасспортын хуулбар /хүчинтэй хугацаа 6 сараас дээш байна/
- 6 сараас хэтрээгүй цээж зураг 2 % (4,5 cm × 3,5 cm)
Тэтгэлэгт дараах зүйлс багтана. Үүнд:
- Хоол хүнс ба байрлах газар (өглөөний, өдрийн, оройн хоол багтана.
- Сургалтын төлбөр
- Зуны сургуулийн курсын хүрээнд зохион байгуулагдсан соёлын арга хэмжээ ба аялалд үнэгүй хамрагдах эрх
Тэтгэлэгт дараах зүйлс хамрагдахгүй.Үүнд:
- Олон улсын тээврийн зардал
- Виз олголттой холбоотой зардлууд
- Даатгалын зардал
Хүсэлт хүлээн авах эцсийн хугацаа: 2021 оны 3 дугаар сарын 11-ний өдөр
Хүсэлт гаргагч нь бүрдүүлсэн материалаа МУИС-ийн ШУС-ийн ХУС-ын Европ судлалын тэнхимийн дэд профессор, д-р, Д. Энхжаргалтай enjee2011@num.edu.mn хаягаар харилцаж өгнө үү. Тэтгэлэгт хөтөлбөрийн талаарх дэлгэрэнгүй мэдээллийг дараах цахим хуудаснаас үзэж болно.
