Европын холбооны санхүүжилттэй Эрасмус плас (Erasmus+) хөтөлбөрийн хүрээнд Итали улсын Венецийн Ка Фоскари их сургуульд профессор, багш (1) болон докторын хөтөлбөрийн оюутны (1) богино хугацааны солилцооны хөтөлбөрийн сонгон шалгаруулалтад урьж байна.
Хөтөлбөрт хүсэлт гаргагч нь МУИС-ийн үндсэн суралцагч эвсэл багш, профессор байх ёстой бөгөөд МУИС-ийн Хамтын ажиллагааны хэлтсээр (Erasmus Code: Ulaanbaatar) дамжуулан хөтөлбөрт хамрагдах хүсэлт гаргана.
Хөтөлбөрийн хугацаа, хамрагдах хүний тоо:
- Докторын оюутан солилцоо: 1 хичээлийн улирал буюу 5 сар (хүмүүнлэгийн ухааны салбарын 1 оюутан)
- Профессор, багш солилцоо: 14 хоног + 2 аяллын хоног (байгалийн ухааны /нанотехнологийн салбар бол давуу талтай/ салбарын 1 багш)
Тэтгэлгийн хэмжээ:
Оюутан: Замын зардал болон сарын 850 евро
Профессор, багш: Замын зардал болон өдрийн 160 хүртэлх евро
Тавигдах шаардлага:
- Англи эсвэл Итали хэлний ахисан дунд буюу B2 түвшний мэдлэгтэй байх
- Докторын оюутан 1 болон түүнээс дээш улирал суралцсан байх
- МУИС-ийн үндсэн орон тооны багш байх
Бүрдүүлэх материал: Дараах материалуудыг англи хэл дээр бүрдүүлнэ.
Докторын оюутан солилцоо:
- Өргөдлийн маягт (татаж авах)
- Сургалтын гэрээ буюу Learning Agreement (https://www.unive.it/pag/fileadmin/user_upload/inglese/rtf/Learning_Agreement_Before_the_Mobility.rtf холбоосоор нэвтэрч татна уу)
- Товч танилцуулга/ CV (https://europass.cedefop.europa.eu/en/documents/curriculum-vitae/templates-instructions.iehtml Europass загварыг ашиглана уу)
- Оюутны тодорхойлолт
- Дүнгийн албан ёсны тодорхойлолт
- Хэлний мэдлэгийг тодорхойлох батламж
- Ка Фоскари их сургуулийн зөвлөх багшийн зөвшөөрсөн захидал (Үүнийг авахдаа international.cooperation@unive.it хаягаар холбогдож CV болон судалгааны төлөвлөгөө /татаж авах/ илгээнэ үү)
- Хүчинтэй паспортын хуулбар
- Цээж зураг
Профессор, багш солилцоо:
- Өргөдлийн маягт (татаж авах)
- Солилцооны гэрээ буюу Mobility Programme (татаж авах)
- Товч танилцуулга/ CV (https://europass.cedefop.europa.eu/en/documents/curriculum-vitae/templates-instructions.iehtml Europass загварыг ашиглана уу)
- Ажлын тодорхойлолт
- Ка Фоскари их сургуульд солилцоогоор ажиллах тэнхмийн эрхлэгчийн зөвшөөрсөн захидал (Үүнийг авахдаа international.cooperation@unive.it хаягаар холбогдож CV болон ажлын төлөвлөгөө илгээнэ үү)
- Хүчинтэй паспортын хуулбар
- Цээж зураг
Хүсэлт хүлээн авах хугацаа: 2021 оны 3 дугаар сарын 29 хүртэл
Товлогдсон хугацаанд багтаан холбогдох материалын хуулбарыг PDF нэг файл болгон Хамтын ажиллагааны хэлтсийн int_rel@num.edu.mn цахим хаягаар явуулна. Хугацаа хоцорсон материал хүлээн авахгүй.
Дэлгэрэнгүй мэдээллийг дараах холбоосоор нэвтэрч үзнэ үү: https://www.unive.it/pag/12522/
Венецийн Ка Фоскари их сургуулийн мэдээлэлтэй https://www.unive.it/pag/13526 холбоосоор нэвтэрч танилцана уу.
ХАМТЫН АЖИЛЛАГААНЫ ХЭЛТЭС
