МУИС болон Япон Улсын Осакагийн Эдийн Засаг Хууль Эрх Зүйн их сургуулийн хамтын ажиллагааны гэрээний хүрээнд 2021 оны намрын улирлын оюутан солилцооны хөтөлбөр зарлаж байна.
Шаардлага:
- МУИС-ийн БС болон ХЗС-ийн бакалаврын 2-3, 4 (төгсөх болзол хангаагүй) дугаар түвшний идэвхтэй суралцаж буй оюутан байх
- Голч оноо 3.0 буюу түүнээс дээш
- Япон хэлний дунд ба дундаас дээш түвшний мэдлэгтэй байх
Бүрдүүлэх материал:
- Resume (тодорхойлсон загвар байхгүй)
- Сургуулийн тодорхойлолт (англи хэл дээр, тамга даруулсан байх)
- Албан ёсны дүнгийн хуулбар (англи хэл дээр, тамга даруулсан байх)
- Багшийн тодорхойлох захиа. Тодорхойлолт гаргагчийн албан ёсны хаяг, гарын үсэг, тамгатай байх
- Суралцах төлөвлөгөө/Эссе (япон хэлээр, шивсэн байх)
- Япон хэлний JLPT N2 онооны батламж
- Application for Certificate of eligibility татах
- 3*4 хэмжээтэй 3 хувь цээж зураг
- Паспортын хуулбар (өнгөт)
Суралцах боломжтой тэнхим, хөтөлбөр:
- Faculty of Economics
- Faculty of Business Administration
- Faculty of Law
- Faculty of International Studies (Tourism, Hospitality, Private Enterprising)
Суралцах хугацаа: 1-2 улирал
Төлбөр: сургалтын төлбөрөөс чөлөөлнө. Дотуур байр болон амьжиргааны зардлыг оюутан өөрөө хариуцна.
Дотуур байрны төлбөр: 1 сарын 28,000 йен, 1 улирлын 168,000 йен, 1 жилийн 336,000 йен
Өргөдөл хүлээн авах сүүлийн хугацаа: 2021 оны 3 дугаар сарын 29-ний өдрийн 15.00 цаг. Дутуу болон алдаатай бичиг баримт хүлээн авахгүй. Өргөдөл хүлээн авах хугацаа сунгахгүй тул тодруулах асуулт байвал урьдчилан studentaffairs@num.edu.mn хаягаар холбогдон асууна уу.
Бүрдүүлсэн материалыг (цээж зургаас бусад) нэг багц PDF файл болгон studentaffairs@num.edu.mn хаягаар илгээнэ. Бичиг баримтын эх хувийг цаг тохирон авчирна. Өргөдөл гаргагч OUEL их сургуулийн онлайн өргөдөл, бусад нэмэлт баримтыг дахин бүрдүүлэн онлайнаар илгээхийг анхаарна уу.
ОЮУТАН, ТӨГСӨГЧИЙН ХЭЛТЭС
