МУИС-ИЙН ШИНЖЛЭХ УХААНЫ СУРГУУЛИЙН ХҮМҮҮНЛЭГИЙН УХААНЫ САЛБАРЫН УТГА ЗОХИОЛ СУДЛАЛ, УРЛАГ СУДЛАЛ ХӨТӨЛБӨРИЙН МАГИСТРАНТ, ДОКТОРАНТУУДЫН ЭРДЭМ ШИНЖИЛГЭЭНИЙ ХУРЛЫН ЗАРЛАЛ, УДИРДАМЖ
“УТГА ЗОХИОЛ СУДЛАЛ”, “УРЛАГ СУДЛАЛ” хөтөлбөрөөр суралцаж байгаа магистрант, докторантуудын эрдэм шинжилгээний хурал 2021 оны 04 дүгээр сарын 07-ны Лхагва гарагийн 14:00 цагаас цахимаар болно. Хурлыг MICROSOFT TEAMS платформ ашиглан хийнэ.
Хуралд оролцох хүсэлт, эрдэм шинжилгээний илтгэлээ цахим хэлбэрээр 2021 оны 04 сарын 05-ны дотор “УТГА ЗОХИОЛ СУДЛАЛ” хөтөлбөрийн магистрант, докторантууд nyamadorji@num.edu.mn хаягаар, “УРЛАГ СУДЛАЛ” хөтөлбөрийн магистрант, докторантууд davaapil@num.edu.mn хаягаар тус тус илгээнэ үү.
ИЛТГЭЛД ТАВИГДАХ ШААРДЛАГА:
- Илтгэл утга зохиол судлал, урлаг судлалын чиглэлийг хамарсан байх.
- Илтгэл удирдагч багштай байх.
- Илтгэл удирдагч багшийн зөвшөөрөлтэй байх.
- Илтгэл нь шинжлэх ухааны судалгааны шинэлэг арга зүйгээр хийгдэж бичигдсэн, олон талын үзэл баримтлал, байр суурийг харьцуулан судалж зохих дүгнэлтэд хүрсэн байх.
- Илтгэл А4 цаасан дээр 6-12 хуудас байх (хавсралттай байж болно, хавсралт илтгэлийн хэмжээнд орохгүй). Үсгийн фонд TIMES NEW ROMAN, үсгийн хэмжээ 12, мөр хоорондын зай 1.5 байна. А4 цаасан дээрх илтгэлээ хурал зохион байгуулагчдад илгээнэ.
- Илтгэлд ашигласан ном сурах бичиг, мэдээллийн эх сурвалж, ишлэл зүүлт, хүснэгт, график зэргийг нэг стандарттай, тодорхой бичих.
- Илтгэлээ хурлын цаг дээр өөрөө илтгэх тул PPT хэлбэрээр бэлтгэсэн байх. Хурлын өдөр техник хэрэгслээ сайн бэлтгэсэн байх.
- Илтгэгчийн овог нэр, холбоо барих утас, и-мэйл хаягийг тодорхой бичнэ.
АНХААРУУЛГА: Хугацаа хоцорсон, шаардлага хангаагүй илтгэлийг хүлээж авахгүй болно.
ЖИЧ: МУИС-ийн холбогдох журмаар магистрант, докторантурт суралцах хугацаандаа 1-2 илтгэл хэлэлцүүлж, 1 илтгэлд 1 багц цаг тооцуулдаг болно.
Утга зохиол, урлаг судлалын тэнхимийн магистрант, докторантын эрдэм шинжилгээний хурал зохион байгуулах комисс
