БНСУ-ын иргэн, МУИС-ийн ШУС, ХУС-ын хүндэт профессор КВОН СӨН ХҮНЪ багшийн нэрэмжит тэтгэлэг гардуулах ёслолын ажиллагаа 2021 оны 3 дугаар сарын 25-ны өдөр цахимаар боллоо. Тус арга хэмжээнд МУИС-ийн сургалт, оюутан хариуцсан дэд захирал Д.Бадмаанямбуу, ШУС-ийн захирал Д.Заяабаатар, Ази судлалын тэнхимийн эрхлэгч Ш.Эгшиг болон Ази судлалын тэнхимийн багш нарын төлөөлөл, Оюутан төгсөгчийн хэлтсээс оролцож тэтгэлгийн батламж гардуулав.
Энэхүү тэтгэлэг нь МУИС-ийн солонгос хэл–орон судлал, солонгос хэлний орчуулгын хөтөлбөрөөр суралцаж байгаа оюутныг дэмжих зорилгоор 2020-2021 оны хичээлийн жилээс эхлэн олгож байгаа бөгөөд энэ удаагийн тэтгэлэгт солонгос хэл судлалын хөтөлбөрөөр суралцаж буй 27 оюутан материалаа ирүүлснээс Ази судлалын тэнхимийн багш нараас бүрдсэн ажлын хэсгээс сурлагын амжилт, суралцах төлөвлөгөө, ар гэрийн байдал зэргийг харгалзан нийт 11 оюутныг шалгаруулав.
МУИС-ийн дэд захирал Б.Бадмаанямбуу, МУИС-ийн хүндэт профессор КВОН СӨН ХҮНЪ багшийн хоёр орны дээд боловсролын харилцаа, хамтын ажиллагаа, МУИС-д солонгос судлалын салбарыг хөгжүүлэхэд оруулсан хувь нэмрийг өндрөөр үнэлэн талархал илэрхийлж, МУИС-ийн ӨРГӨМЖЛӨЛ гардуулав. Мөн ШУС-ийн захирал Д.Заяабаатар, Ази судлалын тэнхимийн эрхлэгч Ш.Эгшиг, Ази судлалын тэнхимийн профессор Д.Сайнбилэгт нар баяр хүргэж үг хэллээ.
МУИС-ийн хүндэт профессор КВОН СӨН ХҮНЪ хэлсэн үгэндээ, “МУИС бол миний залуу насаа өнгөрүүлсэн газар юм. Ковид-19-н хүнд хэцүү цаг үед энэ тэтгэлэг тус дэм болохыг хүсье. Миний бие шавь нартаа ийнхүү тэтгэлэг олгох болсондоо баяртай байна. Надад эрдэм ном сургасан ачит багш нар, ажиллах боломж олгосон сургуулийн захиргаа, мөн миний хичээлийг сонгон судалж буй оюутнууддаа талархаж байна. Онлайнаар хичээл орохыг муу гэж бодолгүй боломж болгон ашиглаж чадсан хүн амжилтанд хүрнэ. Та бүхэн нийгэмд хэрэгтэй, эргэн тойрны хүмүүстээ тустай хүн болоорой. Та бүхэндээ аз жаргал, эрүүл энх, сайн сайхан бүхнийг хүсэн ерөөе.” хэмээн чин сэтгэлийн мэндчилгээ дэвшүүллээ.
Тэтгэлэг гардан авсан суралцагчдын нэрс
| № | Овог | Нэр | Сургууль | Хөтөлбөр | Түвшин |
| 1 | Алмакуль | Арна | ШУС-ХУС | Гадаад хэлний орчуулга (Солонгос) | 2 |
| 2 | Цолмонгэрэл | Болортуул | ШУС-ХУС | Гадаад хэлний орчуулга (Солонгос) | 3 |
| 3 | Батжаргал | Энхжин | ШУС-ХУС | Гадаад хэлний орчуулга (Солонгос) | 2 |
| 4 | Майцэцэг | Өэлүн | ШУС-ХУС | Гадаад хэл, орон судлал (Солонгос) | 2 |
| 5 | Олонбаяр | Ариунсанаа | ШУС-ХУС | Гадаад хэл, орон судлал (Солонгос) | 4 |
| 6 | Мөнхбаяр | Бадамхорлоо | ШУС-ХУС | Гадаад хэл, орон судлал (Солонгос) | 2 |
| 7 | Энхтөр | Марал |
ШУС-ХУС |
Гадаад хэл, орон судлал (Солонгос) | 3 |
| 8 | Баярхүү | Батцэцэг | ШУС-ХУС | Гадаад хэл, орон судлал (Солонгос) | 2 |
| 9 | Хүдэрчулуун | Ундрал | ШУС-ХУС | Гадаад хэл, орон судлал (Солонгос) | 3 |
| 10 | Ганбаатар | Цэлмүүн | ШУС-ХУС | Гадаад хэл, орон судлал (Солонгос) | 3 |
| 11 | Нямгарав | Далайтогтох | ШУС-ХУС | Гадаад хэл, орон судлал (Солонгос) | 3 |
АЗИ СУДЛАЛЫН ТЭНХИМ
ОЮУТАН, ТӨГСӨГЧИЙН ХЭЛТЭС
