Дээд боловсрол: Ази, Европын бүсийн хурал (ARC) нь Ази болон Европ тивүүд дэх дээд боловсролын байгууллагуудыг хамарсан цорын ганц яриа хэлэлцээрийн механизм бөгөөд АСЕМ-ын Боловсролын сайд нарын чуулга уулзалтын албан ёсны түнш юм. Тус хурлыг Сингапурт төвтэй Ази, Европын сан (Asia-Europe Foundation) тогтмол зохион байгуулдаг бөгөөд 2021 онд Ковид-19 цар тахлын нөхцөл байдлаас хамааран цахимаар зохион байгуулж байна.
Энэ жилийн хурлыг “Ази, Европ дахь хүртээмжтэй, олон янз дээд боловсрол: 2030” сэдвийн дор зохион байгуулж, хурлаас гарсан илтгэл тайланг хэвлүүлж 2021 оны 12 дугаар сард зохион байгуулах АСЕМ-ын Боловсролын сайд нарын чуулга уулзалтын тайлан, зөвлөмжид тусгана. Хурал нь дараах 4 дэд хэсэгт хуваагдан зохион байгуулагдана:
- Дээд боловсролын тэгш хүртээмж ба амжилт
- Цахимаар амжилттай суралцах болон заах
- Насан туршийн боловсролын хүртээмжтэй, уян хатан байдал
- Олон улсын мэдлэг ба соёлын солилцоо
Тус хурал нь Улаанбаатарын цагаар 2021 оны 9 дүгээр сарын 10-ны өдрийн Баасан гарагт 15:00-21:00 цагт болно. Энэ жилийн хурал нь цахимаар зохион байгуулагдаж буй тул хуралд оролцоход ямар нэгэн төлбөр, хураамж авахгүй. Тиймээс дээд боловсролын чиглэлээр судалгаа хийдэг багш, судлаач болон сонирхсон хэн бүхэн тус хуралд оролцох боломжтой.
Хурлын тухай дэлгэрэнгүй мэдээлэл авах болон оролцох бүртгэл хийлгэх бол https://arc.asef.org/?utm_source=Mailmerge_ARC8Registration_IRO&utm_medium=Email&utm_campaign=ARC8_Reg холбоосоор нэвтэрч орно уу.
ХАМТЫН АЖИЛЛАГААНЫ ХЭЛТЭС
