Өнөөдөр (2021.08.23) STEM-ийн салбар дахь жендерийн харьцааг тэнцүүлэх, эрх тэгш боломжийг хангах тухай Тогтвортой Хөгжлийн 5-р зорилгыг биелүүлэхэд хувь нэмрээ оруулахыг зорин ажиллаж буй Women Empowerment Mongolia (WE Mongolia) ашгийн бус, нам бус, эмэгтэйчүүдийн сайн дурын байгууллага МУИС-тай STEM (шинжлэх ухаан, технологи, инженерчлэл, математик)-ийн чиглэлээр суралцан, улмаар мэргэжлээрээ ажиллах чин хүсэлтэй, сурлага сайтай эмэгтэй оюутнуудыг дэмжин, санхүүгийн болон техникийн тусламж үзүүлэх зорилготой тэтгэлэг олгох чиглэлээр хамтран ажиллах гэрээнд гарын үсэг зурлаа.
Women Empowerment Mongolia (WE Mongolia)байгууллага нь АНУ-ын Вашингтон мужийн Сиатл, Хойд Каролина мужийн Шарлот хотуудад салбартай бөгөөд Улаанбаатар хотод сайн дурын багийн бүрэлдэхүүнтэйгээр үйл ажиллагаагаа явуулдаг. Хүүхэд, эмэгтэйчүүд, эмзэг бүлгийн иргэдийн хувь хүний хөгжилд хөрөнгө оруулж, өөртөө итгэлтэй, сэтгэл дүүрэн амьдрах боломжийг бүрдүүлэхэд дэмжлэг үзүүлэхийг зорин ажилладаг юм байна.
