МУИС нь судалгааны их сургууль болох стратегийн зорилгын хүрээнд их сургуулийн эрдэмтэн, судлаачдын олон улсын хэмжээнд гүйцэтгэсэн судалгаа, шинжилгээний ажлын үр дүнг үнэлэх, олон нийтэд түгээн дэлгэрүүлэх зорилго бүхий арга хэмжээг Дэлхийн Шинжлэх ухааны өдрийг тохиолдуулан 2021 оны 11 дүгээр сард 9 дэх жилдээ зохион байгуулах гэж байна.
Тус арга хэмжээний хүрээнд судлаачдын судалгаа, шинжилгээний ажлын үр дүнг доорх номинациар шалгаруулна.
Үүнд:
1. Web of Science мэдээллийн санд бүртгэлтэй SSCI, SCI, AHCI индекстэй олон улсын мэргэжлийн сэтгүүлд судалгааны бүтээлээ хэвлүүлсэн эрдэмтэн судлаачдыг:
- Нэгдүгээр зохиогч
- Холбоо баригч зохиогч
- Олон өгүүлэл хэвлүүлсэн зохиогч
- Хамтран зохиогч
2. Олон улсад хэвлүүлсэн “Шилдэг нэг сэдэвт зохиол”-ыг байгалийн болон нийгэм, хүмүүнлэгийн ухааны салбараар тус тус шалгаруулна.
Иймээс эрдэмтэн судлаач Та бүхнийг 2020-2021 оны хичээлийн жилд олон улсад хэвлүүлсэн “Нэг сэдэвт зохиол”-ын эх хувийг 2021 оны 10 дугаар сарын 25-ны дотор Эрдэм шинжилгээний хэлтэст ирүүлэхийг урьж байна.
Жич: Web of Science мэдээллийн санд 2020-2021 оны хичээлийн жилд хэвлүүлсэн өгүүллийг WoS-ийн системийн өгөгдөлд үндэслэн Нэгдүгээр зохиогч, Холбоо баригч зохиогч, Олон өгүүлэл хэвлүүлсэн зохиогч, Хамтран зохиогч гэсэн номинаци тус бүрээр шалгаруулах тул нэмэлт эх материалыг судлаачдаас шаардахгүй болно.
Эрдэм шинжилгээний хэлтэс
Утас:75754400-1140
