МУИС-ийн Номын сангийн 203 тоот танхимд Ковид 19-ийн эсрэг дархлаа сэргээх вакцинжуулалт эхэллээ. Өнөөдөр, маргааш хоёр өдөр буюу 2021 оны арваннэгдүгээр сарын 18, 19-ний өдрүүд МУИС-ийн Номын сангийн 203 тоот танхимд 09:00-20:00 цагуудад КОВИД-19-ийн эсрэг дархлаажуулалтын явуулын цэг ажиллана.
Иймд нийт багш, ажилтан, оюутнуудыг вакциндаа идэвхтэй хамрагдахыг уриалж байна. Вакцины дархлаа сэргээх нэмэлт тун буюу III тундаа хамрагдсан ОЮУТНУУДЫГ “ӨРГӨӨ” КИНО ТЕАТРТ КИНО ҮЗЭХ ТАСАЛБАРААР УРАМШУУЛНА.
Санамж
- Дархлаа сэргээх нэмэлт тун буюу вакцины III тунд хамрагдахдаа вакцины хоёр тунд хамрагдсанаас гурван сарын дараа хамрагдах боломжтой.
- Хэрэв та хоёр тунд хамрагдаад КОВИД-19-ийн халдвар авч өвчилсөн бол эдгэснээс 21 хоногийн дараа III тундаа хамрагдаарай.
- Нэмэлт тунд хамрагдахдаа халуун уух зүйлтэй ирнэ үү.
МУИС-ИЙН ЗАХИРГАА, НИЙСЛЭЛИЙН ЭРҮҮЛ МЭНДИЙН ГАЗАР
