Засгийн газрын хэрэгжүүлэгч агентлаг Төрийн өмчийн бодлого, зохицуулалтын газраас хууль, тогтоомжийн дагуу Төрийн өмчит хуулийн этгээдийн эзэмшиж байгаа хөрөнгийн ашиглалтыг сайжруулах, үр ашгийг дээшлүүлэх, төрийн өмчийн эд хөрөнгийн эзэмшилт, хадгалалт хамгаалалтыг сайжруулах, төсвийн болон өөрийн хөрөнгийг зориулалтын дагуу зарцуулах, өмчийн мэдээллийн сан бүрдүүлэх зэрэг зорилтын хүрээнд төрийн өмчит хуулийн этгээдтэй байгуулсан гэрээний биелэлтийг улсын хэмжээнд дүгнэж, дүнгээ гаргажээ.
Монгол Улсын Их Сургууль төрийн өмчийн талаарх бодлогыг хэрэгжүүлж, төрийн өмчийг эзэмших гэрээгээр хүлээсэн үүргээ хангалттай сайн биелүүлсэн үзүүлэлтээр “Үлгэр жишээ” дүгнэгдэн Төрийн өмчийн бодлого, зохицуулалтын газрын дарга Б.Цэнгэл өргөмжлөлийг МУИС-ийн захирал Б.Очирхуягт гардуулан өглөө.
