Монгол Улсын Их Сургууль, Women Empowerment Mongolia (WE Mongolia)-ийн хооронд байгуулсан хамтын ажиллагааны гэрээний дагуу STEM салбарт суралцах охидыг дэмжих тэтгэлэг гардуулах ёслол боллоо.
Women Empowerment Mongolia (WE Mongolia) нь АНУ-ын Виржиниа мужид бүртгэлтэй ашгийн бус эмэгтэйчүүдийн байгууллага бөгөөд АНУ-ын Вашингтон мужийн Сиатл, Хойд Каролина мужийн Шарлот хотуудад салбартай, Улаанбаатар хотод сайн дурын багийн бүрэлдэхүүнтэйгээр үйл ажиллагаагаа явуулдаг. Мэдээлэл, мэдлэг, менторт суурилсан нөлөөллийн хүрээг бэхжүүлэн, охид эмэгтэйчүүдэд STEM-ийн чиглэлээр суралцах боломжийг нээж, охидын манлайллыг дэмжих замаар жендерийн тэгш байдлыг хангахад хувь нэмрээ оруулж МУИС-ийн суралцагч нарт жил бүр уламжлал болгон олгохоор болсон билээ.
Ёслолын ажиллагаанд Women Empowerment Mongolia (WE Mongolia)-ийн Монгол дахь үйл ажиллагааг хариуцсан төлөөлөгч Мэргэжлийн хяналтын ерөнхий газрын Нийгмийн хамгааллын хяналтын хэлтсийн дарга П.Хорлоо, СХД-ийн засаг даргын тамгын газрын Нийгмийн хөгжлийн хэлтсийн дарга Ч.Энххорол, Мэдээлэл, компьютерийн ухааны тэнхимийн эрхлэгч профессор Н.Оюун-эрдэнэ, Оюутан төгсөгчийн хэлтсийн дарга М.Эрдэнэчимэг, Мэдээлэл, компьютерийн ухааны тэнхимийн туслах Н.Оюундарь нар суралцагчид сурлагын амжилт хүсэн ерөөн тэтгэлгийн батламжийг гардуулан өглөө.
2021-2022 оны хичээлийн жилд нээлттэй зарлагдсан хугацаанд STEM (шинжлэх ухаан, технологи, инженерчлэл, математик)-ийн чиглэлээр суралцан, мэргэжлээрээ ажиллах хүсэлтэй, сурлага сайтай 2-р түвшний эмэгтэй суралцагчид материалаа ирүүлж, Women Empowerment Mongolia (WE Mongolia) байгууллага эцсийн шатны сонгон шалгаруулалтыг хийн тэтгэлгийн болзлыг хангасан 5 суралцагчид тэтгэлэг олголоо.
Тэтгэлэгт шалгарсан суралцагчид
| № | Овог | Нэр | Хөтөлбөр | Түвшин |
| 1 | Ганболд | Мөнхцэцэг | Програм хангамж | 2 |
| 2 | Баатарцогт | Бямбацэцэг | Статистик | 2 |
| 3 | Банзрагч | Болормаа | Мэдээллийн технологи | 2 |
| 4 | Эрдэнэбат | Намуунзул | Програм хангамж | 2 |
| 5 | Баяртогтох | Хонгорзул | Мэдээллийн технологи | 2 |
ХШУИС, Мэдээлэл, компьютерийн ухааны тэнхим
Оюутан, төгсөгчийн хэлтэс
