Б.Батсайхан, М.Дэлгэржав нарын “Ерөнхий сэтгэл судлал” ном нь 2013 онд хэвлэгдэн гарч одоог хүртэл эрэлт хэрэгцээ нь буураагүй, уншлага үйлчилгээнд их гардаг номын нэг бөгөөд номын санд бүртгэгдсэнээс хойш нийт 6700 гаруй удаа уншлага үйлчилгээнд гарсан үзүүлэлттэй байна. Тус ном нь МУИС-ийн номын санд 40 ширхэг байдаг бөгөөд зохиогчдын зүгээс санаачлан уншлага үйлчилгээнд их гарсан, элэгдэл ихтэй номыг шинэчлэн сайжруулах зорилгоор 40 ширхэг ном хандивласанд номын сангийн зүгээс талархалтайгаар хүлээн авлаа.
Энэхүү ажлыг санаачлан хэрэгжүүлсэн номын зохиогч Б.Батсайхан, М.Дэлгэржав нарт болон ном хандивлах ажиллагааг дэмжин хүрэлцэн ирсэн Сургалт, оюутан хариуцсан дэд захирал Г.Бадмаанямбуу нарт нийт уншигчдынхаа өмнөөс талархал илэрхийлье.
Номын цагаан буян дэлгэрэх болтугай.
