XVII жарны “Буян үйлдэгч” хэмээх Усан бар жилийн Сар шинийн баярыг тохиолдуулан Монгол Улсын Ерөнхийлөгч У.Хүрэлсүх зарлиг гаргаж, эрхэлсэн ажил, салбартаа олон жил үр бүтээлтэй ажиллаж онцгой амжилт гарган, эх орныхоо хөгжил дэвшилд үнэтэй хувь нэмэр оруулсан Монгол Улсын Их Сургуулийн Зөвлөх профессор Рэнчиний Дарьхүүг Хөдөлмөрийн гавьяаны улаан тугийн одонгоор шагнажээ.
Өнөөдөр /2022.01.31/ МУИС-ийн захирал Б.Очирхуяг зөвлөх профессор Р.Дарьхүүд “Хөдөлмөрийн гавьяаны улаан тугийн одон”-г гардуулан өглөө.
Мөн Захиргаа, хүний нөөцийн газрын дарга Г.Мөнхбаяр, ШУС-ийн Хүмүүнлэгийн ухааны салбар хариуцсан дэд захирал П.Дэлгэржаргал, МУИС-ийн Философи, шашин судлалын тэнхимийн хамт олон Зөвлөх профессор Р.Дарьхүүд хүндэтгэл үзүүлэн цаашдын ажилд нь амжилт хүсэв.
Төрийн дээд одон хүртсэн эрхэм багшдаа эрүүл энх, аз жаргалыг хүсэн ерөөе.
