МУИС-ийн оюутнууд 2021-2022 оны хичээлийн жилийн өвлийн амралтаараа орон нутагруу явсан, ирсэн замын зардал (500 км болон түүнээс дээш байршилтай)-ыг Засгийн Газрын 2021 оны 264 дүгээр тогтоолын дагуу дараах холбогдох баримтыг үндэслэн авто тээврийн хэрэгсэлийн тарифаар тооцож нөхөн олгоно.
Замын зардал буцаан авахад бүрдүүлэх материал:
- Иргэний үнэмлэхний хуулбар /2 тал/
- Явсан, ирсэн замын зардлын тийз /2021 оны 12-р сарын 31-нээс 2022 оны 2-р сарын 14 хүртлэх хугацааных/
- Онгоцоор ниссэн оюутнуудын хувьд тийз борлуулдаг компаниас ниссэн эсэх лавлагааны хамт
Дээрх материалыг бүрдүүлэн өөрийн бүрэлдэхүүн сургууль хариуцсан мэргэжилтэнд 2 дугаар сарын 16-ны өдрөөс эхлэн хандана уу.
- ОУХНУС, ХШУИС, ШУС-ийн оюутнуудын материалыг мэргэжилтэн Ш.Солонго /хичээлийн 2-р байрны 110 тоот/
- БС, ХЗС-ийн оюутнуудын материалыг мэргэжилтэн Ц.Бямбасүрэн /хичээлийн 2-р байрны 109 тоот/-д тус тус 2022 оны 2-р сарын 28-ныг хүртэл хүлээн авна.
Жич: Тийз ямар нэгэн засваргүй байна.
ОЮУТАН, ТӨГСӨГЧИЙН ХЭЛТЭС
