Web of Science мэдээллийн санд бүртгэлтэй мэргэжлийн сэтгүүлд хэвлүүлсэн бүтээлээс хамгийн өндөр импакт фактортой сэтгүүлд хэвлүүлсэн чансаа өндөр эрдэм шинжилгээний бүтээлийг шалгаруулан “МУИС-ийн Захирлын нэрэмжит шагнал” олгодог уламжлалтай.
МУИС-ийн ШУС-ийн НУС-ын Антропологи, археологийн тэнхимийн профессор, Шинжлэх ухааны доктор Д.Түмэнгийн туурвисан “Genomic insights into the formation of human populations in East Asia /NATURE, IF=49.9/ сэдэвт эрдэм шинжилгээний бүтээл 2020-2021 оны хичээлийн жилийн “Шинжлэх ухааны нээлт, эрдэм шинжилгээний шилдэг бүтээл”-ээр шалгарсан тул “МУИС-ийн захирлын нэрэмжит шагнал”-ыг олгохоор шийдвэрлэсэн. Өнөөдөр /2022.04.19/ МУИС-ийн захирал Б.Очирхуяг “МУИС-ийн захирлын нэрэмжит шагнал”-ын цомыг гардуулан өглөө.
Жич: Профессор Д.Түмэн 2020-2021 оны хичээлийн жилд АНУ-ын Аризона болон Калифорнийн их сургуулиудад зочин профессороор ажиллаж байсан тул шагналыг гардуулах боломжгүй байсан юм.
Профессор Д.Түмэнгийн цаашдын судалгааны ажилд өндөр амжилт хүсэн ерөөе.
