МУИС-ийн 80 жилийн ойн хүрээнд хийгдэж буй ажлуудын нэг болох МУИС, Michel & Amazonka ХХК-тай хамтран бүтээсэн мерч бүтээгдэхүүнийг танилцуулах арга хэмжээ, загварын шоу болж, сургуулийн удирдлагууд, багш нар, оюутан залуус, төгсөгч дэмжигчид оролцлоо. Энэ үеэр дахин давтагдахгүй лого, загварын онцгой шийдэл бүхий хувцас, хэрэглэлийг шилдэг загвар өмсөгчид, МУИС-ийн оюутнууд өмсөж танилцууллаа. МУИС брэндийн чөлөөт хувцасны коллeкцийг бүтээхдээ хамгийн сайн загварыг, дээд зэргийн матeриалаар урлажээ.
МУИС-ийн захирал, доктор Б.Очирхуяг “…Монгол Улсын хэмжээнд МУИС-аар овоглосон мянга мянган шилдэг эрдэмтэн, боловсон хүчин, сэхээтнүүд ажиллаж, бүтээж яваа нь бидний бахархал, бардамнал юм. МУИС-д монголын хамгийн шилдэг эрдэмтэд, багш нар ажилладаг, хамгийн шилдэг хүүхдүүд элсэн суралцдаг, мөн төгсдөг. Өнөөдөр нээлтээ хийж, худалдаанд гарч буй шинэ брэнд бүтээгдэхүүн нь биднийг илэрхийлэх, нэгтгэх, үе үеийн төгсөгчдийг маань баярлуулах сайхан бэлэг болж байна” гээд шинэ загварын гоёмсог, чанартай хувцсыг зөвхөн МУИС-ийнхандаа зориулан бүтээхийн төлөө хүчин чармайлт гарган шаргуу ажилласан МУИС Хэвлэлийн газрынхан болон “Мичел Амазонка” ХХК-ийн залуустаа баяр хүргэж” брэндээрээ гоёхыг уриалсан юм.
Шинэ мерч бүтээгдэхүүнийг Номын сангийн I давхарт байрлах МУИС-ийн дэлгүүрт худалдаалж байна.
