МУИС-ийн ХШУИС-ийн Мэдээлэл, компьютерийн ухааны тэнхим нь МУИС-ийн 80 жилийн ойг тохиолдуулан, цар тахлаас үүдэн хоёр жил завсарлаад байсан програмчлалын улсын XXX олимпиадыг өргөн цар хүрээтэй зохион байгуулахаар ажиллаж байна. Тус олимпиад 2022 оны 5 дугаар сарын 7-8-ны өдрүүдэд зохион байгуулагдах бөгөөд олимпиадад төрийн болон хувийн хэвшлийн 10 их, дээд сургуулийн 50 гаруй оюутан оролцохоор бүртгүүлсэн байна.
”Гэрэгэ Системс” ХХК нь мэдээллийн технологийн салбарт шинэ санал, санаачилга, төсөл хөтөлбөрүүдийг хэрэгжүүлэхээс гадна нийгмийн хариуцлагын хүрээнд энэ удаагийн олимпиадын ерөнхий ивээн тэтгэгчээр ажиллаж байна. Санамж бичигт олимпиадыг хамтран зохион байгуулах, дэмжлэг үзүүлэх, ерөнхий ивээн тэтгэгчээр ажиллах, мэдээллийн технологийн салбарыг дэмжих, оюутнуудыг ажлын байраар хангах зэрэг чиглэлээр хамтран ажиллах тухай дурдсан байна.
