МУИС-ийн Хамтын ажиллагааны хэлтэс болон Физикийн тэнхимээс гадаад хамтын ажиллагааны хүрээнд МУИС болон МУБИС-ийн Багш мэргэжлээр суралцаж байгаа магистр болон бакалаврын оюутнуудад зориулж Япон эрдэмтдийн лекц болон чөлөөт ярилцлагыг зохион байгуулав.
Японы Окаяама Их сургуулийн Профессор Хироки Фүжии “Хичээлийн судалгаа, судалгаат хичээл”, ЮНЕСКО-гийн Ази Номхон Далайн орнуудын Соёл Боловсрол хариуцсан захирал Профессор Киичи Ояасү болон Мияаги Их Сургуулийн профессор Томонори Ичиносэ нар “Тогтвортой хөгжлийн боловсрол, Уур амьсгалын өөрчлөлт”, Окаяама Их сургуулийн Дэд Профессор Фиелард Халифатул “Японы боловсролын систем, Японд суралцах боломж” сэдвүүдээр лекц уншиж, лекцын дараа оюутнуудтай чөлөөт ярилцлага өрнүүллээ.
Оюутнууд шинэ мэдээлэл сонсож мэдсэндээ баярлаж, цаашдын сурах үйл ажиллагаанд урам өгсөн уулзалт болсыг онцолж талархаж байсан юм.
Сургалтыг зохион байгуулахад дэмжлэг туслалцаа үзүүлсэн Физикийн тэнхимийн эрхлэгч Доктор, Профессор Д.Улам-Оргих, багш Ж.Дөлгөөн, Япон хэлнээс Монгол хэлрүү орчуулга хийж өгсөн MEERC Төвийн Япон харилцааны мэргэжилтэн Ж.Дулмаа нарт талархал илэрхийлье.
