Өнөөдөр (2022.05.18) МУИС-ийн захиргааны удирдлага, ажилтан, албан хаагчдын мэргэжил, ур чадвар, хандлагыг сайжруулах, тасралтгүй хөгжих боломж, нөхцлийг бүрдүүлэхэд дэмжлэг үзүүлэх, цаг үеийн шаардлагатай мэдлэг, мэдээллийг өгөх зорилготой дотоод сургалт амжилттай зохион байгуулагдлаа. Цаашид цувралаар явуулахаар төлөвлөсөн бөгөөд нээлтийн сургалтыг ШУС-ийн Боловсрол, сэтгэл судлалын тэнхимийн багш Б.Золзаяа “Ажил, амьдралын тэнцвэр”, Бизнесийн сургуулийн Менежментийн тэнхимийн дэд профессор З.Алтанчимэг “Байгууллагын соёлыг чухалчлах нь” сэдвээр тус тус явуулав.
Эрдэм шинжилгээ, хамтын ажиллагаа хариуцсан дэд захирал С.Должин сургалтыг нээж хэлсэн үгэндээ “Сургалт, судалгааны байгууллага нь хүний нөөцөө сургалт, хөгжил, карьер төлөвлөлтийн хөтөлбөрт тогтмол давтамжтайгаар хамруулснаар байгууллагын бүтээмж, үр ашиг, үнэлэмжийг нэмэгдүүлэх, чанарыг тасралтгүй сайжруулах, байгууллагын соёлыг дээшлүүлэх гол үндэс болдог. Иймд бид 80 жилийн ойгоо угтсан олон үйл ажиллагааны нэг болох хамтдаа хөгжих цуврал сургалтаа захиргааны нэгжийн удирдлага, ажилтан, албан хаагч нартаа зориулан зохион байгуулж байна” гээд дараа, дараагийн сургалтын товч танилцуулга хийлээ.
Хамтын ажиллагааны хэлтэс,
Захиргаа, хүний нөөцийн газар
