Тулгар төрийн 2230, 2231, Их Монгол Улс байгуулагдсаны 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ойг тохиолдуулан Монгол Улсын Ерөнхийлөгч Ухнаагийн Хүрэлсүх зарлиг гарган МУИС-ийн нэр бүхий багш нарт төрийн дээд цол хүртээн, одон, медалиар шагнажээ. Мөн Засгийн газрын шагналаар зарим ажилтныг шагнасныг МУИС-ийн удирдлагууд гардуулан өгч, төрийн дээд цол, одон, медаль хүртсэн багш нарыг хүлээн авч уулзан хүндэтгэл үзүүллээ.
Монгол Улсын Ардын багш цол
- Ойдовын Лхагва /ШУС. БУС. ФТ-ийн Зөвлөх профессор, доктор, профессор, ШУ-ны гавьяат зүтгэлтэн/
- Лхасрангийн Тэрбиш /МУИС-ийн ахмад багш, Зурхайч, доктор, профессор, ШУ-ны гавьяат зүтгэлтэн/
Монгол Улсын Гавьяат багш цол
- Эрхэмбаярын Дамдинсүрэн /ХШУИС. ЭХИТ-ийн зөвлөх профессор, доктор, профессор/
Монгол Улсын Гавьяат хуульч
- Жавхлангийн Бямбаа /ХЗС-ийн зөвлөх профессор, доктор/
Хөдөлмөрийн Гавьяаны улаан тугийн одон
- Магсаржавын Гантуяа /ШУС. ХУС.ФШСТ-ийн зөвлөх профессор, ШУ-ны доктор, профессор/
- Магсаржавын Баярсайхан /ШУС. ХУС. МХХШТ-ийн ахмад багш, доктор, профессор/
Алтангадас одон
- Дашцэрэнгийн Отгонтуяа /ШУС. ХУС. ГХТ-ийн эрхлэгч, доктор/
- Тогтохын Отгонтуул /ШУС. ХУС. МХХШТ-ийн профессор, доктор/
Хөдөлмөрийн хүндэт медаль
- Очирын Алтансүх /ХШУИС. ХБООИТ-ийн профессор/
Боловсролын тэргүүний ажилтан
- Төмөрбатын Амартунгалаг /ЗХНГ. Ахлах мэргэжилтэн/
Эрчим хүчний тэргүүний ажилтан
- Аюушрагчаагийн Энхбаяр /ХҮГ. Цахилгаанчин/
Шагнал хүртсэн багш, ажилтнууддаа эрүүл энх, сайн сайхан бүхнийг хүсэн ерөөе.
