Академич, МУИС-ийн профессор Г.Лувсанцэрэнгийн нэрэмжит тэтгэлэг гардуулах ёслол 2022 оны 09 дүгээр сарын 19-ний өдөр ШУС-ийн Философи, шашин судлалын тэнхимд болов. Энэ удаагийн тэтгэлгийг шашин судлалын бакалаврын хөтөлбөрийг 2022 онд амжилттай төгсөж, ахисан түвшний сургалтад элсэн суралцаж буй магистрант Д.Ринчендорж гардан авлаа.
Тэтгэлгийн зорилго нь МУИС-д хэрэгжиж байгаа шашин судлал, буддын гүн ухааны хөтөлбөрийг тогтвортой байлгах, дээрх чиглэлээр залуу судлаач бэлтгэхэд хувь нэмэр оруулах явдал юм. Энэхүү тэтгэлгийг академичийн хүүхдүүд 13 дахь жилдээ нийт 28 оюутанд олгоод байна.
Энэ удаагийн тэтгэлэг гардуулах үйл ажиллагаанд академич Г.Лувсанцэрэн агсны хүү Л.Батжил, тус тэнхимийн багш Др.О.Бумдарь, С.Дэмбэрэл болон тэнхимийн оюутнууд оролцож, тэтгэлэг гардан авсан оюутанд амжилттай суралцан цаашид шашин судлалын чиглэлээр эрдэм шинжилгээний ажил хийж, академич Г.Лувсанцэрэн багшийнхаа үйл хэргийг үргэлжлүүлнэ гэдэгт итгэж буйгаа илэрхийлэв.
