2022 оны 10 дугаар сарын 14-ний өдөр МУИС-ийн ШУС-ийн Хүмүүнлэгийн ухааны салбарын Европ судлалын тэнхимийн олон жил үр бүтээлтэй ажиллаж байгаад гавъяаны амралтандаа гарсан гадаад хэлний эрдэмтэн багш нарт Монголын Энхтайван, Найрамдлын байгууллага болон Монгол-Оросын найрамдлын нийгэмлэгийн шагналыг гардууллаа.
Арга хэмжээнд ШУС-ийн захирал Д.Заяабаатар, ХУС-ын дэд захирал Н.Алтантөгс, Монгол Улсын баатар, Зөвлөлт Холбоот Улсын баатар, Монгол улсын сансрын нисгэгч Ж.Гүррагчаа, Монголын Энхтайван, Найрамдлын байгууллагын хэрэг эрхлэх газрын дарга Л.Сайханцэцэг, Монгол-Оросын найрамдлын нийгэмлэгийн нарийн бичгийн дарга О.Ундрал нар оролцов.
Мөн Монгол Улсын баатар, Зөвлөлт Холбоот Улсын баатар, сансрын нисгэгч Ж. Гүррагчаа тус сургуулийн Европ судлалын тэнхимийн оюутнуудтай уулзалт, ярилцлага хийсэн юм.
